ઘર આંગણે જ શિવસેનાને મળી હાર !

ન્યુઝ ડેસ્ક: મહારાષ્ટ્રમાં શિવસેના અને ભાજપની સરકાર બનવાનું નક્કી છે. પરંતુ, કેટલીક બેઠકો પર અણધાર્યા પરિણામો આવ્યા છે. ઠાકરે પરિવાર બાંદ્રા પૂર્વ મતવિસ્તારમાં રહે છે. જ્યાં તેમનું નિવાસસ્થાન માતોશ્રી છે એ જ બેઠક પર શિવસેનાએ હારનો સામનો કરવો પડયો છે.

મહારાષ્ટ્ર વિધાનસભા ચૂંટણીના પરિણામો આવી ગયા છે. ઠાકરે પરિવારમાંથી પહેલીવાર ચૂંટણીમા ઉભા રહેલા આદિત્ય ઠાકરેનો વર્લી બેઠક પરથી વિજય થયો છે. પરંતુ, શિવસેના પોતાના જ ઘર આંગણે હારી ગઈ છે. જે વિસ્તારમાં ઠાકરે પરિવાર રહે છે તે જ બાંદ્રા પૂર્વ વિધાનસભા મતવિસ્તારમાં શિવસેનાનો પરાજય થયો છે.

બાંદ્રા પૂર્વ બેઠક પર શિવસેનાના ઉમેદવાર વિશ્વનાથ મહાદેશ્વર ઉભા હતાં. તેમની સામે કોંગ્રેસના ઉમેદવાર જીશાન બાબા સિદ્દકી ઉભા હતાં. 2014માં આ બેઠક પર શિવસેનાના ઉમેદવાર પ્રકાશ સાવંત જીત્યા હતાં. પરંતુ, હવે આ બેઠક પર શિવસેનાનો કબ્જો રહ્યો નથી. આ ચૂંટણીમાં કોંગ્રેસના જીશાન બાબ સિદ્દકીનો વિજય થયો છે.