દેશની એક એક ઈંચ જમીન પરથી ઘૂસણખોરોને બહાર કરવામાં આવશે: અમિત શાહ

ન્યૂઝ ડેસ્ક : સંસદનું ચોમાસુ સત્ર શરૂ થઈ ગયુ છે. રાજ્યસભામાં રાષ્ટ્રીય જનતા દળના સાંસદ મનોજ ઝાએ દેશમાં કેટલાક વિસ્તારોમાં આવેલા પૂર વિશે ઝીરો અવર નોટિસ જાહેર કરી હતી. સદનમાં ગ્રામીણ વિકાસ, કૃષિ તથા ખેડૂત કલ્યાણ મંત્રાલય અંતર્ગત અનુદાનની માંગ પર ચર્ચા કરવામાં આવી હતી. લોકસભા તથા રાજ્યસભામાંથી કેન્દ્રીય વિશ્વ વિદ્યાલય બિલ પાસ થયું હતું.

ત્યારે બીજી બાજુ રાજ્યસભામાં NRC પર અમિત શાહે કહ્યું કે, દેશના એક એક ઈંચ પરથી ઘૂસણખોરોને બહાર કરીશું.અમે તેમની ઓળખ કરીશું અને તેમને દેશની બહાર કરીશું. રાજ્યસભામાં સપા સાંસદ જાવેદ અલી ખાને સરકારને પૂછ્યું કે, શું NRC જેવું બીજુ કોઈ રજિસ્ટર લાગું થઈ રહ્યું છે? અને હા તો તે ક્યા રાજ્યો તેની સીમામાં આવશે. આ સવાલના જવાબમાં ગૃહપ્રધાન અમિત શાહે કહ્યું કે, એનઆરસી આસામ સમજૂતીનો હિસ્સો છે અને બીજેપી મેનિફેસ્ટોનો પણ હિસ્સો છે. દેશની જમીન પર રહેતા દરેક ઘૂસણખોરની ઓળખ કરીને તેમને બહાર કાઢવામાં આવશે.

ત્યારે ગ્રામીણ વિકાસ પ્રધાન નરેન્દ્ર સિંહ તોમરે કહ્યું કે, ગ્રામીણ વિકાસ તથા કૃષિ મંત્રાલયની અનુદાનોની માંગ સાથે 9 કલાક ચાલી આ ચર્ચામાં 131 સભ્યોએ ભાગ લીધો હતો. તોમરે જણાવ્યું કે, ગ્રામીણ માર્ગ યોજનાના બીજા તબક્કામાં 50000 કિમી માર્ગ બનાવામાં આવી રહ્યા છે. 31000 કિમી માર્ગ બનવાનો કામ પૂર્ણ થઈ ગયો છે. ત્રીજા તબક્કામાં 1.5 લાખ માર્ગ બનાવાની યોજના છે.

ગૃહમાં JDU સાંસદ કહકશાં પરવીને કુપોષણ મુદ્દે મહિલા અને બાળ વિકાસ પ્રધાન સ્મૃતિ ઈરાનીનું ધ્યાન દોર્યું હતું.રાજ્યસભામાં કુપોષણ મુદ્દે સ્મૃતિ ઈરાનીએ કહ્યું હતું કે, કુપોષણનો પડકાર એક સામાજિક પડકાર બની ગયો છે. પરંતુ વડાપ્રધાન મોદીના કાર્યકાળમાં હવે આ પડકાર એક જનઆંદોલન બની ગયું છે.

કોંગ્રેસ નેતા અઘીર રંજન ચૌધરીએ ભારત-ચીન સીમા પર ચીની સેનાની ઘૂસણખોરી વિશે પ્રશ્ન કર્યો હતો. ચૌધરીએ પ્રશ્નો પર કેન્દ્રીય રક્ષાપ્રધાન રાજનાથ સિંહે કહ્યું કે, રાષ્ટ્રની સુરક્ષા સુનિશ્ચિત કરવા માટે ભારત તથા ચીનની સીમા પર માર્ગ, રેલવે લાઇન તથા એરપોર્ટ જેવા વિકાસ કરવામાં આવી રહ્યા છે. ભારત તથા ચીન સીમાં પર શાંતિ જણાવી રાખવા માટે શાંતિ કરાર કરી શકાય છે.