નવી દિલ્હી: સુપ્રીમ કોર્ટે મદ્રાસ હાઈકોર્ટના ચુકાદા પર શુક્રવારે સ્ટે મુક્યો હતો. જેમાં તેણે રાજ્યો માટે દારૂની દુકાનો બંધ કરવા અને કોરોના વાઇરસના રોગચાળા વચ્ચે સામાજિક અંતરનાં ધોરણો જાળવવા હોમ ડિલિવરીની માંગ કરી હતી. કોર્ટે દારૂ વેચાણની મંજૂરી આપવાનો નિર્દેશ આપ્યો છે.
હકીકતમાં સુપ્રીમ કોર્ટમાં મદ્રાસ હાઈકોર્ટના આદેશને પડકારવામાં આવ્યો હતો. જેમાં તમિલનાડુ રાજ્યનો મોટાભાગની દુકાનોને ઓનલાઇન વેચાણ વેંચવા કરવાની માંગ કરવામાં આવી હતી, પરંતુ કોર્ટે કહ્યું કે, દુકાનદારો કોરોના રોગચાળાને ધ્યાનમાં રાખીને અને લોકડાઉનને પગલે તમામ જરૂરી પગલા લઈ રહ્યાં છે.
એડવોકેટ મુકુલ રોહતગીએ માર્ગદર્શિકા અને પ્રતિબંધોનો વિરોધ કર્યો હતો. તેમણે કહ્યું હતું કે, હાઈકોર્ટે પોતાનો પ્રતિબંધો લાદ્યા છે. જેનો અધિકાર ન હોવો જોઈએ, કારણ કે તે રાજ્યની નીતિને આધારિત છે. ઓનલાઇન બે બોટલ વેચી શકો છો, વધારે બોટલ પણ વેચી શકો. દારૂ કેવી રીતે વેચવો એ હાઇકોર્ટે નહીં પણ સરકારે નક્કી કરવાનું છે.
રોહતગીએ કહ્યું કે, તમિલનાડુ એક મોટું રાજ્ય છે અને આપણી પાસે ટેન્ડર સેવા નથી. અમે કોઈને દારૂ વિતરણનો વિશ્વાસ આપી શકતા નથી. જો આવું થાય તો ઘણી સમસ્યાઓ થઈ શકે છે, જેનાથી તોફાનો પણ થઈ શકે છે. વિરોધી દલીલ કરતા પી.વી. યોગેશ્વરે કહ્યું કે, દારૂ વેચવો એ મૂળભૂત અધિકાર નથી, પરંતુ વ્યાપારી પ્રવૃત્તિ છે અને અમે સંપૂર્ણ પ્રતિબંધની માંગ કરી રહ્યાં નથી, પરંતુ વેચાણ કરતી વખતે સાવચેતીની પદ્ધતિઓનું પાલન થવું જોઈએ.
તમને જણાવી દઈએ કે, હાઇકોર્ટમાં સરકાર દ્વારા લાદવામાં આવેલા સામાજિક અંતરના નિયમોનું ઉલ્લંઘન કરતી વખતે દારૂની દુકાનો બંધ રાખવાનો આદેશ આપવામાં આવ્યો હતો. આ આદેશ દારૂની દુકાનો પર ભીડ વધારે હોવાના મુદ્દે કમલ હાસન અને અન્ય પાર્ટી સહિતના વિવિધ લોકો દ્વારા દાખલ કરવામાં આવેલી વિવિધ અરજીઓનાં જવાબમાં આપવામાં આવ્યો હતો.
