પુલવામા હુમલામાં ષડયંત્રની તપાસની અરજી SCએ ફગાવી

નવી દિલ્હી: સુપ્રીમ કોર્ટે 14 ફેબ્રુઆરીએ જમ્મુ કાશ્મીરના પુલવામામાં થયેલા આતંકવાદી હુમલા પાછળ કથિત રીતે થયેલા ષડયંત્રની તપાસ કરનારી જાહેર હિતની અરજી સોમવારે ફગાવી દીધી છે.

ચીફ જસ્ટીસ રંજન ગોગોઈ તથા ન્યાયમૂર્તિ સંજીવ ખન્નાની ખંડપીઠે વકિલ વિનીત ધાંડા તરફથી જાહેર હિતની અરજી પર સુનાવણી કરી હતી. વકિલે આ અરજીમાં દાવો કર્યો હતો કે, હુમલામાં વ્યાપક રીતે ષડયંત્રની તપાસ કરવામાં આવે. આ હુમલામાં સીઆરપીએફના 40 જવાનો શહિદ થયા હતા.

જાહેર હિતની આ અરજીમાં કહેવાયું છે કે, આ હુમલામાં લગભગ 370 કિલાગ્રામ આરડીએક્સ ઉપયોગ કરવામાં આવ્યો હતો તેથી તેની વિસ્તૃત તપાસ થવી જોઈએ.