ભીલવાડા: રાજસ્થાનમાં એક ભયાનક માર્ગ અકસ્માત થયો છે. ઘટના ભિલવાડા-કોટા હાઇવેની છે. ટ્રેલર અને વાનની ટક્કરમાં સાત લોકોના મોત નીપજ્યા હતા. ત્રણ લોકોના ઘટના સ્થળે જ મોત નીપજ્યા હતા, જ્યારે ચાર લોકોના મોત હોસ્પિટલમાં થયા હતા.
મળતી માહિતી મુજબ બિજોલિયા પોલીસ સ્ટેશનના ઇન્ચાર્જ વિનોદકુમાર મીના ઘટના સ્થળે પહોંચ્યા હતા. તમામના મૃતદેહને પોસ્ટમાર્ટ માટે ખસેડવામાં આવ્યા હતા.
આ વાનમાં 6 શખ્સો ભિલવાડા જિલ્લાના બિગોદ પોલીસ સ્ટેશન હેઠળ સિંગોલી ગામના હતા. એક વ્યક્તિ બિજોલીયા પોલીસ સ્ટેશન હેઠળ આવતા સલાવટિયા ગામનો હતો. વાનમાં સવાર તમામ પ્રવાસીઓ કોટા જિલ્લાના રાવતભાટા જઇ રહ્યા હતા.
