લોકસભામાં એક જ દિવસમાં બન્યો રેકોર્ડ, 10 પ્રશ્નો પૂછવામાં આવ્યા

નવી દિલ્હી: લોકસભામાં સોમવારના રોજ એક તરફથી જોવા જઈએ તો રેકોર્ડ બની ગયો હતો કારણ કે, સંસદમાં ચાલી રહેલા સત્રમાં પ્રશ્નકાળ દરમિયાન એક સાથે 10 પ્રશ્નો પૂછવામાં આવ્યા હતાં. આ નવા બનેલા લોકસભા અધ્યક્ષ ઓમ બિડલા માટે કોઈ ઉપલબ્ધીથી જરા પણ ઉતરતું નથી. બિડલાએ સભ્યોને આગ્રહ કર્યો છે કે, સંસદમાં એક પ્રકારની શિસ્ત બની રહે તથા સભ્યો નિર્ધારિત સવાલો જ પૂછે અને પ્રધાન તેના યોગ્ય ઉત્તર આપે.

લોકસભા સચિવાલયના એક અધિકારીના જણાવ્યા અનુસાર એક કલાકની કાર્યવાહી દરમિયાન દશ સવાલ પૂછવા એક પ્રકારનો રેકોર્ડ જ છે.

આ અગાઉ એવું બનતું કે, સરેરાશ ચાર કે પાંચ સવાલો પૂછવામાં આવતા હતાં.

નવી લોકસભાનું પહેલું સત્ર 17 જૂનના રોજ શરૂ થયું છે, સોમવારે તેનો બીજો દિવસ હતો તથા અહીં પ્રશ્નકાળમાં રેકોર્ડ સ્થાપિત સવાલો પૂછવામાં આવ્યા હતાં. હાલના સત્રમાં 21 જૂને પહેલો પ્રશ્નકાળ થયો હતો.