નવી દિલ્હીઃ રાષ્ટ્રપતિ રામનાથ કોવિંદ અને ઉપરાષ્ટ્રપતિ એમ.વેંકૈયા નાયડૂએ કોરોના વાઇરસ સામે લડવાના ઉપાયો પર વીડિયો કોન્ફરેન્સિંગના માધ્યમથી તમામ રાજ્યો અને કેન્દ્ર શાસિત પ્રદેશોના રાજ્યપાલ, ઉપ-રાજ્યપાલ અને વહીવટીકર્તા સાથે ચર્ચા કરી હતી.
ઉલ્લેખનીય છે કે, ગુરુવારે વડાપ્રધાન મોદીએ પણ તમામ રાજ્યોના મુખ્યપ્રધાનો સાથે વીડિયો કોન્ફરેન્સિંગના માધ્યમથી ચર્ચા કરી હતી. ત્યારબાદ શુક્રવારે સવારે 9 વાગ્યે વડાપ્રધાન મોદીએ વીડિયો ક્લિપના માધ્યમથી દેશને સંબોધન કર્યું હતું. જેમાં વડાપ્રધાને 5 એપ્રિલના રોજ સાંજે 9 વાગ્યે દેશના તમામ લોકોને લાઇટ બંધ કરીને મીણબત્તી અથવા મોબાઈલની ટોર્ચ 9 મીનિટ માટે શરૂ કરવાનું આહ્વાન કર્યું છે. જેમાં PM મોદીએ સોશિયલ ડિસ્ટેન્સ જાળવવા ખ્યાલ રાખવા અંગે પણ કહ્યું હતું.
