અલવર દુષ્કર્મ કેસની પીડિતાને આવાસ અને સરકારી નોકરી મળશે: રાહુલ ગાંધી

અલવર દુષ્કર્મ કેસ ફક્ત રાજસ્થાનમાં જ નહી સંપૂર્ણ દેશમાં ચર્ચાનો વિષય બની ચૂક્યો છે. રાહુલ ગાંધીએ ગુરુવારે પીડીતાની અને તેના પરિવારની મૂલાકાત લીધી હતી, રાહુલ ગાંધીનીએ મૂલાકાત લીધી ત્યાર બાદ પીડિતાને સરકારી નોકરી અને આવાસ આપવાની પ્રક્રીયા શરુ થઇ ગઇ છે. પીડિતા દ્વારા પણ રાહુલ ગાંધી અને અશોક ગેહલોતને એક પત્ર લખવામાં આવ્યો છે જેમાં તેના માતા પિતા માટે પેંશન અને ભાઇ માટે પણ મદદ માંગવામાં આવી છે.

પીડિતાને સરકારી નોકરી આપવાની કવાયત રાજય સ્તર પર શરુ કરી દેવામાં આવી છે. પીડિત પરિવારે ગુરુવારે કોંગ્રેસ અધ્યક્ષ રાહુલ ગાંધી અને મુખ્યપ્રધાન અશોક ગેહલોતને પોતાની માંગનો પત્ર લખ્યો હતો. પીડિતાના પરિવારે રોજગાર અને તેમના પુનર્વાસની વ્યવ્સ્થાની માંગ કરતો પત્ર મુખ્ય પ્રધાનને લખ્યો હતો.

ઉલ્લેખનીય છે કે, રાહુલ ગાંધીએ પીડિતા અને તેના પરિવાર સાથે 15 મિનિટ જેટવી મુલાકાત કરી હતી, તે દરમિયાન રાહુલે પીડિતાના પતિ સાથે સીધી વાતચીત કરી હતી. પીડિતાએ રાહુલને સંપૂર્ણ ઘટના જણાવી રાહુલ સમક્ષ મદદની માંગ મૂકી હતી. આ બાબતે રાહુલે મુખ્યપ્રધાન અશોક ગહલોત સાથે ચર્ચા કરી પીડિતાની માગ પૂર્ણ થાય તે માટે કહ્યું હતુ.સરકારના આદેશ પર જિલ્લા કલેક્ટરની તરફથી આ માગની પુરી કરવાની પ્રક્રિયા પણ શરુ કરી દેવામાં આવી છે.આ વાતનો પ્રસ્તાવ સરકારને મોકલી દેવામાં આવ્યો છે. પીડિતાના પરિવારને સરકારી નોકરી, આવાસ, જમીન વગેરે આપવું તે સંપૂર્ણ દેશ માટે એક સરાહનીય બાબત હશે.