મોદીએ ટ્વિટ કર્યું હતું ' પરિણામ નિરાશાજનક, પણ ભારતીય ટીમ અંત સુધી ઝઝૂમી રહી તે જોઈને સારુ લાગ્યું, ભારતીય ટીમ સમગ્ર ટુર્નામેન્ટમાં બેટીંગ, બોલીંગ અને ફિલ્ડીંગમાં સારી રહી છે'.
મોદીએ વધુમાં કહ્યું હતું કે, હાર જીત તો રમતનો એક ભાગ હોય છે. તેમણે આવનારી મેચ માટે ભારતીય ટીમને શુભકામના આપી હતી.
કોંગ્રેસના રાહુલ ગાંધીએ પણ ભારતીય ટીમની સરાહના કરી છે.
રાહુલ ગાંધીએ પણ ટ્વિટ કરી કહ્યું હતું કે, આજની રાતે કરોડ લોકોના દિલ તૂટ્યા હશે, પણ ભારતીય ટીમે સારી લડત આપી, તેઓ આપણા પ્રેમ અને સન્માનના હકદાર છે.
રાહુલ ગાંધીએ ભારતીય ટીમની સાથે સાથે ન્યૂઝીલેન્ડની ટીમને પણ ફાઈનલમાં પહોંચવા માટે શુભકામના આપી હતી.
આપને જણાવી દઈએ કે, ભારતીય ટીમ બીજી વાર સેમીફાઈનલમાં હાર્યું છે, અગાઉ 2015 વિશ્વકપમાં પણ ભારત ઓસ્ટ્રેલિયા સામે સેમિફાઈનલમાં હારી ગયું હતું.
