શ્રીનગર: દેશભરમાં જ્યારે પ્રજાસત્તાક દિનની ઉજવણી થઈ રહી છે, ત્યારે કાશ્મીરમાં ફરી એકવાર મોબાઈલ સેવા પર પ્રતિબંધ મૂકવામાં આવ્યો છે.
પ્રજાસત્તાક દિનની ઉજવણીના દિવસે લોકહિતને ધ્યામાં રાખીને કેટલાક સુરક્ષાલક્ષી પગલાં લેવાયા છે. જેના ભાગરૂપે 24 કલાક માટે ઈન્ટરનેટ સેવા બંધ કરવામાં આવી છે. કારણે કે, 2005માં થયેલા આતંકવાદી હુમલામાં મોબાઇલ ફોનનો ઉપયોગ કરીને IED બ્લાસ્ટ કરાયો હતો.
આ અંગે વાત કરતાં અધિકારીએ જણાવ્યું હતું કે, "શનિવારે મોબાઈલ સેવા થોડા કલાકો માટે ચાલુ કરાઈ હતી, ત્યારબાદ રવિવારે પ્રારંભિક કલાકોમાં જ મોબાઈલ કનેક્ટિવિટી સ્થગિત કરવામાં આવી હતી."
કાશ્મીરમાં ઈન્ટરનેટ સેવા 25 જાન્યુઆરી સાંજના 6થી 26 જાન્યુઆરી સાંજના 6 કલાક સુધી બંધ કરવામાં આવી છે. જ્યારે વોઇસ કોલિંગ અને SMS સેવા પણ 25 જાન્યુઆરીએ સાંજે 6 કલાકથી 2 જાન્યુઆરી સાંજના 6 કલાક સુધી બંધ કરવામાં આવી છે.
આ પહેલા વડાપ્રધાન મોદીએ લોકોને પ્રજાસત્તાક દિવસે પર જમ્મુ-કાશ્મીરના લોકોને ભેટ આપતા શનિવારે 20 જિલ્લાઓમાં 2 જી ઇન્ટરનેટ સેવા ફરી શરૂ કરી હતી, ત્યારબાદ પોસ્ટપેડ અને પ્રી-પેઇડ સબ્સ્ક્રાઇબર્સની ઇન્ટરનેટ સુવિધા શરૂ કરાઇ હતી.
