ડોક્ટરો મમતા સાથે વાતચીત માટે તૈયાર, સ્થાન પાછળથી નક્કી કરાશે

કોલકતા: પશ્ચિમ બંગાળમાં શનિવારે રાત્રે આંદોલન કરનાર ડોક્ટરે કહ્યું કે પ્રદર્શન પુરૂ કરવા મુખ્યપ્રધાન મમતા બેનર્જી સાથે વાતચીત માટે તૈયાર છીએ. પરંતુ મુલાકાતની જગ્યા તે પાછળથી નક્કી કરશે.

શનિવાર રાત્રે જૂનિયર ડોક્ટરોના સંયુક્ત ફોરમે પત્રકાર પરીષદ બોલાવી હતી.

ફોરમના પ્રવક્તાએ કહ્યુ, ' અમે હંમેશા વાતચીત માટે તૈયાર છીએ. જો મુખ્યપ્રધાન એક હાથ આગળ વધારશે તો અમે અમારા 10 હાથ આગળ વધારશું.

ડોક્ટરોએ કહ્યું કે બેઠક માટે સૂચિત સ્થાનને લઇને સંગઠનના નિર્ણયની રાહ જોવાશે.