નવી દિલ્હી: કેન્દ્ર સરકારે એર ઇન્ડિયાના 100 ટકા ખાનગીકરણ મુદ્દે પ્રાથમિક માહિતી મેમોરેન્ડમ બહાર પાડ્યું છે. આ ડિસઇન્વેસ્ટમેન્ટમાં એર ઇન્ડિયા પાસે મેનેજમેન્ટ કંટ્રોલ અને 100 ટકા ઇક્વિટી શેર મૂડી ટ્રાન્સફર કરવામાં આવશે અને તે બંને ભારત સરકાર પાસે છે.
ઇક્વિટી શેર મૂડીમાં એર ઇન્ડિયામાં AIXLનું 100 ટકા શેરહોલ્ડિંગ ઇન્ટરેસ્ટ અને 50 ટકા AISATSનો ભાગ છે. આ અગાઉ ભાજપના વરિષ્ઠ નેતા સુબ્રમણ્યમ સ્વામીએ આ સંદર્ભમાં નિવેદન આપ્યું હતું. સ્વામીએ કહ્યું, 'મને એક નોટ આપવા માટે કહેવામાં આવ્યું છે, જેની આગામી બેઠકમાં ચર્ચા કરવામાં આવશે. જેના વગર આગળ જઇ શકતા નથી. મહત્વનું છે કે, 23 જાન્યુઆરીએ તેમણે કહ્યું હતું કે, એર ઇન્ડિયાના ડિસઇન્વેસ્ટમેન્ટનો મામલો એડવાઇઝરી કમિટી સમક્ષ છે અને હું તેનો સભ્ય છું.
