નોંધપાત્ર વાત એ છે કે દિલ્હી એનસીઆરમાં વધતા જતા પ્રદૂષણને ધ્યાનમાં રાખીને સુપ્રીમ કોર્ટ અને એનજીટીએ દિલ્હી એનસીઆરમાં ફટાકડાના વેચાણ પર પ્રતિબંધ મૂક્યો હતો. અમુક દુકાનદારોને ગ્રીન ફટાકડા વેચવાની પરવાનગી આપવામાં આવી હતી. પરંતુ આ તમામ નિયમોને નેવે મુકીને રવિવારે મોડી રાત સુધી દિલ્હી એનસીઆરમાં આતશબાજી જોવા મળી હતી. જેના કારણે આજે સવારથી જ પ્રદૂષણનું સ્તર અનેક વિસ્તારોમાં જોખમી સ્તરમાં પહોંચી ગયું છે.
રવિવારે મોડી રાત્રે પ્રદૂષણનું સ્તર 500 ને પાર પહોંચ્યું હતું
રવિવાર દિવાળીની રાત્રે ભારે આતશબાજીને કારણે દિલ્હીના ઘણા વિસ્તારોનો એર ઇન્ડેક્સ 500 ને પાર કરી ગયો હતો. પરંતુ રાહતની વાત એ છે કે આજે સવારથી તેમાં ઘટાડો જોવા મળી રહ્યો છે. જોકે આ વિસ્તારોમાં પ્રદૂષણનું સ્તર જોખમી શ્રેણીમાં રહે છે.
