વડાપ્રધાન મોદી સ્વચ્છતા અભિયાન પ્રતિ કેટલા જાગૃત છે તે સમગ્ર વિશ્વ જાણે જ છે, ત્યારે આજે (શનિવારના રોજ) તેઓ મહાબલીપુરમના એક બીચ પર પડેલો કચરો ઉપાડતા જોવા મળ્યા હતાં. તેમજ લોકોને સફાઈ અભિયાન પ્રતિ જાગૃત થવાનો સંદેશ આપ્યો હતો.
PM મોદીનું સફાઈ અભિયાન, કિનારા પરથી ઉઠાવ્યો કચરો
તેઓએ ટ્વીટ કર્યું કે, ઉઠાવવામાં આવેલા કચરાને હોટલ સ્ટાફ જેયારાજને સોંપ્યો છે. આપણા બધાએ સુનિશ્ચિત કરવું જોઈએ કે, જાહેર જગ્યા સ્વચ્છ રહે. તેમણે ટ્વીટ દ્વારા લોકોને ફીટ અને સ્વસ્થ રહેવાનો પણ સંદેશ આપ્યો હતો.
કચરો ઉઠાવતા PM મોદીનો આ વીડિયો સોશિયલ મીડિયા પર વાયરલ થઈ રહ્યો છે. લોકો પણ આ વીડિયો જોઈને મોદીની સરાહના કરી રહ્યા છે.
