વડાપ્રધાન નરેન્દ્ર મોદી શનિવારે સવારે ગુવાહાટીથી ઇટાનગર પહોંચશે. જ્યાં મોદી ઇટાનગરના આઇજી પાર્કમાં વિકાસના પ્રોજેક્ટ્સની એક શ્રુંખલાનું લોકાર્પણ કરશે. નરેન્દ્ર મોદી ઇટાનગરમાં હોલોંગીમાં ગ્રીનફિલ્ડ એયરપોર્ટના નિર્માણનો પાયો નાખશે. ઇટાનગરના આઇજી પાર્કમાં અરુણાચલ પ્રદેશને સમર્પિત દુરદર્શન ચેનલ ડીડી અરુણ પ્રભાનું ઉદ્ઘાટન કરશે. ડીડી અરુણ પ્રભા દૂરદર્શન દ્વારા સંચાલિત 24મી ચેનલ રહેશે, ત્યાર બાદ વડાપ્રધાન અરુણાચલ પ્રદેશમાં 110 મેગાવોટના પારે હાઇડ્રોઇલેક્ટ્રિક પાવર પ્લાન્ટ રાષ્ટ્રને અર્પણ કરશે.
આ ઉપરાંત અરુણાચલ પ્રદેશ પહોંચી તેજુ એરપોર્ટનું ઉદ્ઘાટન કરશે. તેજુ એરપોર્ટને યોજના અંતર્ગત વ્યવસાયિક કામગીરી સાથે નવી રીતે બનાવવામાં આવ્યું છે. અરુણાચલ પ્રદેશમાં 50 આરોગ્ય અને સુખાકારી કેન્દ્રોનું ઉદ્ઘાટન કરશે. સમગ્ર આરોગ્યની ખાતરી કરવા માટે આયુષ્યમાન ભારત યોજનામાં તદુરસ્તી કેન્દ્ર એક મહત્વપૂર્ણ ભાગ છે. પ્રધાનમંત્રી યોજના હેઠળ, અરુણાચલ પ્રદેશના તમામ પરિવારોને વીજળી મળવાની જાહેરાત કરશે.
વડાપ્રધાન આસામના તિનસુકિયામાં હોલોંગ મોડ્યૂલર ગેસ પ્રોસેસિંગ પ્લાન્ટનું ઉદ્ઘાટન કરશે. આ સાથે આસામમાં ઉત્પાદિત કુલ ગેસમાંથી 15 ટકા વધુ ગેસ મેળવશે. આ સમયગાળા દરમિયાન, વડાપ્રધાન નુમાલીગઢમાં એનઆરએલ બાયો રિફાઇનરી અને બિહાર, પશ્ચિમ બંગાળ, ગુવાહાટી સુધી 729 કિ.મી. સુધી ગેસ પાઇપલાઇનનો પાયો નાખશે. વડાપ્રધાનના પ્રવાસનો છેલ્લો સ્ટોપ અગરતલા હશે. વડાપ્રધાન અગરતલાના સ્વામી વિવેકાનંદ સ્ટેડિયમમાં ગાર્જી બેલોનિયા રેલ માર્ગ રાષ્ટ્રને સમર્પિત કરશે. આ રેલ્વે માર્ગ ત્રિપુરાને દક્ષિણ અને દક્ષિણ-પૂર્વ એશિયાના પ્રવેશ દ્વારા બનાવશે. વડાપ્રધાન નર્સિંગગઢમાં ત્રિપુરા ઇન્સ્ટિટ્યુટ ઑફ ટેકનોલોજીના નવા કેમ્પસનું ઉદ્ઘાટન પણ કરશે.
વડાપ્રધાન અગરતલાના મહારાજ વીર વિક્રમ એરપોર્ટ પર મહારાજા વીર બિક્રમ કિશોર મળિક્ય બહાદુરની મૂર્તિનું અનાવરણ કરશે. મહારાજા વીર વિક્રમ કિશોર મણિક્ય બહાદુરને આધુનિક ત્રિપુરાનું નિર્માતા માનવામાં આવે છે. અગરતલા શહેરના નિર્માણ માટે શ્રેય મહારાજા વીર વિક્રમને ફાળે જાય છે.
