દિલ્હી હિંસા મામલે ઓવૈસીએ કેન્દ્ર સરકાર પર કર્યા આકરા પ્રહારો, જાણો શું કહ્યુ?

ગત રોજ રાજધાની દિલ્હી ખાતે થયેલી હિંસા બાદ એક એક પછી એક નેતાઓના નિવેદનો સામે આવી રહ્યાં છે, ત્યારે આ તકે AIMIMના પ્રમુખે પણ કેન્દ્ર સરકાર પર આકરો પ્રહાર કર્યો હતો અને કહ્યું કે, વડાપ્રધાન મોદી અને અમિત શાહની પોલીસ આ હિંસા કરાવી રહી છે.

નવી દિલ્હી: AIMIM (ઓલ ઇન્ડિયા મજલિસ એ ઇતેહાદુલ મુસ્લિમ) પ્રમુખ અસદુદ્દીન ઓવૈસીએ CAA વિરૂદ્ધ ગત રોજ થયેલી હિંસાના લઇ કેન્દ્ર સરકાર પર આકરો પ્રહારો કર્યા હતાં. ગતરોજ દિલ્હી ખાતે રેલીને સંબોધન કરતા ઓવૈસીએ વડાપ્રધાન મોદી અને ગૃહપ્રધાન અમિત શાહ પર વરસી પડ્યા હતા અને કહ્યુ કે, આ સમગ્ર હિંસાઓ વડાપ્રધાન અને ગૃહપ્રધાનની પોલીસ કરી રહી છે. દિલ્હી પોલીસ હિંસકો સાથે મળીને પથ્થરમારો કરી રહી છે. જેને અમે વખોડીએ છીએ.

આ તકે રેલીને સંબોધન કરતા વધુમાં જણાવ્યું કે, કોઇ અન્ય દેશના પ્રમુખ આવે અને હિંસા થાય તો તે દેશ માટે શરમની વાત કહેવાય. આ તકે ઓવૈસીએ હિંસાને પગલે કડક પગલા ભરવા કેન્દ્ર સરકારને ટકોર કરી હતી.