બંગાળી અભિનેત્રી તથા TMC સાંસદ નુસરત જહાંએ તુર્કીમાં કર્યા લગ્ન

ન્યૂઝ ડેસ્ક: બંગાળી અભિનેત્રી અને નવનિર્વાચિત સાંસદ નુસરત જહાંએ તુર્કીના બોડરમ શહેરમાં વ્યાપારી નિખિલ જૈન સાથે લગ્નના પવિત્ર બંધનમાં જોડાઈ ગઈ છે. બુધવારે લગ્નના પવિત્ર બંધનમાં જોડાયા બાદ આ નવવિવાહીત જોડીએ એક ફોટો કે જેમાં તેઓ બંને હાથમાં હાથ નાખી જઈ રહ્યા છે તેવો ફોટો શેર કર્યો હતો

બાશીરહાટથી સાંસદે ટ્વીટર પર એક ફોટો શેર કરતા કૈપ્શનમાં લખ્યું હતું કે, નિખિલ જૈન સાથે ખુશિયોથી ભરેલી જીંદગીની એક નવી શરૂઆત...

અભિનેત્રી આ તસ્વીરમાં લાલ રંગના કપડામાં જોવા મળી રહી છે જેમાં ખૂબ જ સુંદર દેખાઈ રહી છે. તો સાથે નિખિલ પણ સફેદ રંગના પોશાકમાં શાનદાર દેખાઈ રહ્યો છે.

નિખિલ સાથે ટેક્સટાઈલ ચેનમાં સાથે કામ કર્યા બાદ બંને નજીક આવ્યા હતાં.

આ બંને કપલ્સે તુર્કીમાં દક્ષિણી અજિયાન તટ પર મુગલા વિસ્તારમાં નજીકના સંબંધી અને મિત્રોની હાજરીમાં ફેરા લીધા હતાં.

અહીં આ લગ્નમાં તેમની ખાસ મિત્ર અને સાંસદ મિમી ચક્રવર્તી પણ હાજર રહી હતી.