ઝારખંડમાં નક્સલી હુમલો, 6 જવાન શહીદ

ન્યુઝ ડેસ્કઃ ઝારખંડ ફરી એકવાર નક્સલી હુમલો થયો છે. સરાયકેલામાં નક્સલવાદીઓએ 6 જવાનોની ગોળી મારી હત્યા કરી છે.  જ્યારે બે જવાનો ઘાયલ થયા છે.

આ ઘટના કુકડુ હટિયા ના તિરુલડીહની છે. આ વિસ્તારમાં એક બજારમાંમાં તપાસ અર્થે ગયેલા છોટાબાબૂ સહિત પાંચ પોલીસકર્મિઓ ઉપર નક્સલીઓએ હુમલો કર્યો હતો. મીડિયા રિપોર્ટ અનુસાર શુક્રવારે બે બાઈક પર આવેલ પાંચ-છ લોકોએ ચપ્પુ અને હથિયારથી પોલીસને બંધક બનાવવાની સાથે જ તેમની પર ગોળીબાર કર્યો હતો. ત્યારપછી પોલીસકર્મીઓની બંદુક લઈને પશ્ચિમ બંગાળ તરફ ભાગી ગયા હતા. આ ઘટનાથી બજારમાં અફરાતફરીનો માહોલ સર્જાયો હતો.

બીજી બાજુ સુરક્ષાબળોએ ઘટનાના પગલે વળતો જવાબ આપવાનું શરુ કર્યુ છે. શહિદ થયેલા જવાનોમાં બે સબ ઈન્સપેક્ટર અને 3 જવાન હોવાનું પોલીસે સત્તાવાર રીતે જાહેર કર્યુ છે. નોંધનીય છે કે લોકસભાની ચૂંટણી પછી નક્સલી ઘટનાઓ વધી ગઈ છે.