બિહારમાં પત્રકારના પુત્રની નિર્મમ હત્યા, બન્ને આંખો ફોડી મૃતદેહ તળાવમાં ફેક્યો

ન્યુઝ ડેસ્કઃ મુખ્યપ્રધાન નીતીશ કુમારના હોમટાઉનમા હ્રદય કંપી ઉઠે તેવી ધટના બની છે. હિંદુસ્તાન ન્યુઝપેપરના બ્યૂરો ચીફના પુત્રની હત્યા કરવામાં આવી છે. પત્રકારના પુત્રની બન્ને આંખો ફોડી હત્યા કરી મૃતદેહને તળાવમાં ફેકી દેવાયો હતો.

પત્રકાર આશુતોષ કુમાર આર્યના ઘરે એક મહિના બાદ પુત્રીના લગ્ન હતા પરંતુ આ શુભ પ્રસંગનો દિવસ આવે તે પહેલા જ દુઃખદ સમાચાર મડ્યા હતા, ઘરના એક માત્ર પુત્રની હત્યા કરવામાં આવી હતી. મૃતકના પરીવારે જણાવ્યું હતું કે તેમનો પુત્ર મોડી સાંજે ઘરેથી નિકળ્યો હતો ત્યારબાદ તે પરત ઘરે ફર્યો ન હતો. આ કારણે પરિવારના સભ્યોએ મૃતકની શોઘખોળ શરૂ કરી હતી. તપાસ કરતા ગામવાસીઓએ જણાવ્યું હતું કે તળાવમાં મૃતદેહ મળી આવ્યો છે. જે મૃતદેહની પરિવારે તેમનો પુત્ર હોવાની પુષ્ટી કરી હતી.

ઘટનાની જાણ થતા પોલીસ સ્થળ પર પહોંચી હતી અને મૃતદેહને બહાર કઢાયો હતો અને પોસ્ટમોર્ટમ માટે મોકલી દેવાયો હતો. ઘટનાની પોલીસ અધિકારીઓ દ્રારા તપાસ શરુ કરવામાં આવી છે પરંતુ હત્યાનું કારણ હજુ અકબંધ છે. પુત્રના મોતથી સમગ્ર પરિવારમાં માતમનો માહોલ છવાય ગયો હતો.