ઉદયપુર: ઉત્તર પ્રદેશના મથુરાનો રહેવાસી મુનેશ તેની પત્ની સાથે મહારાષ્ટ્રમાં રહેતો હતો અને શેરડીનો રસનો ધંધો કરી તેના પરિવારનો ઉછેર કરતો હતો. દરરોજ સવારે તેની જુગાડ ગાડી સાથે ઘરેથી નીકળી જતો અને પૈસા કમાયા પછી સાંજે ઘરે પાછો ફરતો હતો, પરંતુ મહારાષ્ટ્ર સહિત સમગ્ર દેશમાં લોકડાઉનને કારણે મુનેશની જિંદગી અટકી ગઈ હતી. ધીરે ધીરે બે મહિના વીતી ગયા. જેટલા ભેગા કરેલા પૈસા હતા તે પણ પૂરા થઈ ગયા હતા. મુનેશને હવે ચિંતા હતી કે હવે તે શું કરશે, તે કુટુંબ કેવી રીતે ઉછેરશે.પૈસા પણ પૂરા થઇ ચૂક્યા હતા. આવી સ્થિતિમાં મુનેશે નિર્ણય કર્યો કે હવે મથુરા તેના ઘરે પહોંચશે, પણ સવાલ એ હતો કે કેવી રીતે.
દેશભરમાં લોકડાઉન લાગુ થયાને લાંબો સમય વીતી ગયો છે. આ સમય દરમિયાન 2 જૂનના રોજની રોટલી મેળવવી કામદાર વર્ગ માટે પણ મુશ્કેલ બન્યું છે. આ સમયગાળા દરમિયાન, જ્યારે કેટલાક મજૂરો સરકારી રાહતની રાહ જોઇને બેઠા છે, તો કેટલાક પરિસ્થિતથી હેરાન થઇને પોતાના ઘરે એટલે કે તેમના વતન જવા માટે મજબૂર થયા છે.
આમાંથી એક મુનેશ કુમાર છે, જે મથુરાનો છે, જે ઘણા સમયથી મહારાષ્ટ્રમાં રહેતો હતો અને તેના જુગાડથી તૈયાર કરેલી ગાડીમાંથી શેરડીનો રસ વેચતો હતો, પરંતુ લોકડાઉન બાદ મુનેશની સામે મુશ્કેલીઓનો પર્વત તૂટી ગયો હતો. પૈસાની તંગીથી મુનેશ મુશ્કેલીમાં મુકાયો હતો, મુનેશ તેની પત્ની અને બાળકો સાથે તેની જુગાડ ગાડીમાં મથુરા જવા નીકળ્યો હતો.
આ દરમિયાન પોલીસે મુનેશને રસ્તામાં અનેક જગ્યાએ રોકયો હતો. જ્યારે કેટલાક રાહદારીઓએ તેની મદદ કરી હતી. પોતાના મુકામ તરફ જતા સમયે મુનેશ ઉદયપુર પહોંચ્યો, આ દરમિયાન ઇટીવી ભારતએ મુનેશ સાથે વાત કરી. તેણે પોતાની પીડા જણાવતા કહ્યું કે, અમારા માટે ત્યાં રોકાવું મુશ્કેલ થઈ ગયું હતું, જેથી ફરી એકવાર ઘરે જવા નિકળવું પડ્યું છે.
