મેષ: સમગ્ર દિવસ દરમિયાન આપ વિચારોના વમળોમાં વધુ રહો અને થોડી શારીરિક સુસ્તિ પણ રહેવાથી કામકાજમાં મન ચોંટે નહીં. મહેનતના પ્રમાણમાં ઓછી સફળતા મળતી હોવાનું પણ મનમાં લાગી શકે છે જેથી દરેક બાબતને સકારાત્મક અભિગમથી જોવાની સલાહ છે. સંતાનો સંબંધિત પ્રશ્નો પર વધુ ધ્યાન આપવું પડશે. કામની ભાગદોડમાં વધારો થઈ શકે છે જેથી પરિવાર તરફ ઈચ્છિત પ્રમાણમાં ધ્યાન નહીં આપી શકો. આજના દિવસમાં શક્ય હોય ત્યાં સુધી મુસાફરી ટાળવી. પાચન તંત્રને લગતી ફરિયાદો હોય તેમને વિપરિત ભોજન ટાળવું. આપ અક્કડ વલણ છોડીને સૌમ્ય બનશો તો ફાયદામાં રહેશો.
વૃષભ: આપ આજે દરેક કાર્ય દૃઢ આત્મવિશ્વાસ અને મનોબળથી પાર પાડશો અને તેમાં સફળતા પણ મળશે. પિતા તરફથી આપને કોઇ લાભ થશે. વિદ્યાર્થીઓ અભ્યાસમાં સારો દેખાવ કરશે. સંતાનોના અભ્યાસ કે અન્ય બાબતો પાછળ ધનખર્ચ કે મૂડી રોકાણ થાય. કલાકારો તેમજ રમતવીરોને પોતાની પ્રતિભા દર્શાવવા માટે અનુકૂળ સમય છે. સરકાર તરફથી લાભ થાય.
મિથુન: નવી યોજનાઓ હાથ ધરવા માટે આજે અનુકૂળ દિવસ છે. વ્યવસાય કરનારાઓને સરકાર તરફથી લાભ મળવાના અને નોકરિયાતોને ઉપરી અધિકારીઓની કૃપાદૃષ્ટિ મેળવવા માટેના યોગ છે. ભાઇભાંડુઓ અને પડોશીઓ સાથેના સંબંધો સુમેળભર્યા રહે. શરીર તેમજ મનનું સ્વાસ્થ્ય જળવાઇ રહેશે. ટૂંકા પ્રવાસનું આયોજન શક્ય બને. પ્રતિસ્પર્ધીઓ સામે વિજય મેળવશો. દિવસ દરમ્યાન ઝડપથી બનતી ઘટનાઓમાં વ્યસ્ત રહેશો.
કર્ક: આજે આપ શારીરિક અને માનસિક રીતે થોડી અસ્વસ્થતા અનુભવશો. વૈચારિક ગડમથલ પણ વધુ રહેવાથી તમારે કોઈપણ બાબતમાં ચિત્ત ચોંટાડવામાં વધુ પ્રયાસ કરવા પડશે. કોઇ સાથે ગેરસમજ ટાળવા માટે કમ્યુનિકેશન અથવા વાતચીતમાં પૂર્ણ પાદર્શકતા રાખવી. પરિવારનું વાતાવરણ શાંતિપૂર્ણ રાખવા માટે પ્રયાસો વધારવા પડશે. વિદ્યાર્થીઓ અભ્યાસમાં ધ્યાન ઓછુ રહેવાથી વધુ મહેનતની તૈયારી રાખવી. ધનખર્ચની શક્યતા પણ નકારી શકાય નહીં. અનૈતિક તેમજ કાયદા વિરોધી પ્રવૃત્તિઓથી દૂર રહેશો તો ઘણી સમસ્યાઓથી આપોઆપ બચી શકશો.
સિંહ: ભરપૂર આત્મવિશ્વાસ અને દૃઢ નિર્ણય શક્તિના કારણે આજે આપ કોઇપણ કામ ત્વરિત નિર્ણય લઇ પાર પાડશો. સમાજમાં માન પ્રતિષ્ઠા વધશે. પિતા તથા વડીલોનો સાથ સહકાર મળી રહેશે. મન આનંદિત રહેશે. એમ છતાં સ્વભાવમાં થોડી ઉગ્રતા અને અહમ આપની બાજી બગાડે નહીં તેનું ધ્યાન રાખવા સલાહ આપવામાં આવે છે. લગ્નજીવનમાં સંવાદિતા જળવાય. આરોગ્ય વિશે નજીવી ફરિયાદો રહે.
કન્યા: આપને આજના દિવસમાં કોઈની સાથે સંબંધોમાં તણાવ આવે તેવી પરિસ્થિતિથી દૂર રહેવાની સલાહ છે. આજે અતિ લાગણીશીલ બનવાના બદલે વ્યવહારુ અને તટસ્થ વલણ અપનાવજો. મિત્રો સાથેની વાતચીતમાં સૌમ્ય બનવું. વાણી પર સંયમ રાખશો તો સંબંધોનો અનોખો આનંદ માણી શકશો. ઓચિંતા ધનખર્ચને પહોંચી વળવા માટે પૂર્વતૈયારી રાખવી. મનમાં વ્યગ્રતા ઉભી થાય તેવા વિચારોથી દૂર રહેવું. નોકરિયાતોના હાથ નીચેના માણસો પાસેથી અપેક્ષા કરતા ઓછો સહકાર મળે.
તુલા: આજના દિવસે આપ ખૂબ આનંદમાં હશો. આપની આવક અને વેપાર ધંધામાં વૃદ્ધિ થશે. કુટુંબના સભ્યો અને દોસ્તો સાથે હસીખુશીની પળોમાં મશગુલ બનશો. મહિલા વર્ગ તરફથી લાભ અને આદર મળે. વેપારક્ષેત્રે નવા સંપર્કો અને ઓળખાણોથી લાભ થાય. નાનકડી મુસાફરી આપને આનંદથી પ્રફુલ્લિત કરી દેશે. જીવનસાથીના પ્રેમની વર્ષા આપને ભીંજવી નાખશે. એકંદરે આજનો દિવસ ખૂબ સારી રીતે પસાર કરશો.
વૃશ્ચિક: આજે આપનું આરોગ્ય સારું રહેશે. આપના દરેક કાર્યો આસાનીથી પાર પડે. આપનો હોદ્દો, માન મોભામાં વૃદ્ધિ થાય. ધનલાભના યોગો છે. ઓફિસમાં સહકર્મચારીઓ સાથે સહકારથી કામ થશે. ઉપરી અધિકારીઓની કૃપાદૃષ્ટિ રહે, વેપારીઓને ધંધાર્થે મુસાફરી થાય. સંતાનોની પ્રગતિ સંતોષકારક રહે.
ધન: આજે શરીરમાં થાક, કંટાળો અને બેચેની રહેવાથી આરોગ્ય સહેજ નરમગરમ રહે. પૌષ્ટિક ભોજન અને પૂરતો આરામ લેવાની સલાહ છે. અતિશય વિચારોમાં પડવાના બદલે તમારા મનને પ્રફુલ્લિતા મળે તેવા કાર્યોમાં રસ લેજો. શક્ય હોય ત્યાં સુધી પ્રવાસ મોકૂફ રાખવાની સલાહ છે. સંતાનોના અભ્યાસ બાબતે થોડી ગડમથલમાં રહેશો. ભાગ્યનો સાથ અપેક્ષા કરતા ઓછો મળે. નોકરી -ધંધાના સ્થળે ઉપરી અધિકારીઓ સાથે સંયમિત વર્તન રાખવું. હરીફોથી સચેત રહેવું અને આંધળા સાહસ ખેડવાનું છોડજો.
મકર: ખાનપાન પર ધ્યાન નહીં અપાય તો આજે તબિયત બગડવાની શક્યતા વધી શકે છે. આજના દિવસમાં સારવાર, પ્રવાસ કે વ્યાવહારિક કાર્યો પાછળ ધનખર્ચ પણ નકારી શકાય નહીં. નકારાત્મક વિચારો અને ગુસ્સાને દૂર રાખવાથી ઘણી આફતોમાંથી ઉગરી જશો. ભાગીદારો સાથે મતભેદ થઈ શકે છે. નોકરી- ધંધાના ક્ષેત્રે બેચેની રહે. નવા સંબંધો બાંધતી વખતે સાવધાની રાખવી.
કુંભ: ભરપૂર આત્મવિશ્વાસ અને દૃઢ મનોબળ સાથે સાથે પ્રણય અને રોમાન્સ આપના આજના દિવસને રંગીન બનાવશે. વિજાતીય વ્યક્તિઓ સાથે મિત્રતા અને પરિચય થાય. આનંદદાયક પ્રવાસ પર્યટન અને સુરુચિપૂર્ણ ભોજન, નવા વસ્ત્રો આપના આનંદને દ્વિગુણિત કરશે. જાહેર માન સન્માનમાં વૃદ્ધિ થાય. દંપતીઓને શ્રેષ્ઠ દાંપત્યસુખની પ્રાપ્તિ થાય. ભાગીદારીમાં લાભની શક્યતા છે.
મીન: ઘરમાં સુખશાંતિ અને આનંદનું વાતાવરણ જળવાતાં આપ આપના રોજિંદા કાર્યો આત્મવિશ્વાસ પૂર્વક સારી રીતે પાર પાડી શકશો. હા, સ્વભાવની ઉગ્રતા અને વાણીની આક્રમકતા પર આજે સંયમ રાખવો પડે. નોકરીમાં સહકાર્યકરો અને હાથ નીચેના માણસોનો સાથ સહકાર મળશે. આરોગ્ય સારું રહેશે.
