બુધવારે મહાત્મા ગાંધીની 150મી જન્મ જયંતી હતી. જે અંતર્ગત ફ્રાંસના ટપાલ વિભાગ દ્વારા મહાત્મા ગાંધીની તસવીરવાળી ટિકિટ જાહેર કરાઈ હતી. આ વાતની જાણકારી ફ્રાંસમાં સ્થિત ભારતીય દુતાવાસે ટ્વિટર પર પોસ્ટ કરીને આપી છે.
ભારતીય દૂતાવાસે ટ્વિટ કર્યુ હતું કે, ભારતીય રાજદૂતે ફ્રાંસની ટપાલ સેવા કંપની લા પોસ્તે સાથે ભાગીદારી કરીને મહાત્મા ગાંધીની 150મી જન્મ જયંતીના પ્રસંગે બાપુની તસવીરવાળી ટપાલ ટિકિટ જાહેર કરી હતી. મહાત્મા ગાંધી જન્મ જયંતીની ઉજવણીના ભાગરૂપે ઉજ્બેકિસ્તાન, તુર્કી અને ફિલિસ્તીન સહિત અનેક દેશમાં ગાંધીજીની ટપાલ ટિકિટ જાહેર કરાઈ છે. જેમાં ફ્રાંસનું નામ પણ ઉમેરાયુ છે.
