ભોપાલઃ મધ્યપ્રદેશના મુખ્ય પ્રધાન કમલનાથે મંગળવારના રોજ રાજ્યપાલ લાલજી ટંડનને પત્ર દ્વારા જણાવ્યું કે, વિધાનસભામાં ફ્લોર ટેસ્ટને લઇને તમારા દ્વારા મોકલવામાં આવેલા પત્રના જવાબના નિર્ણયને લઇને તેના જવાબની કોપી વિધાનસભા અધ્યક્ષને મોકલી છે.
રાજ્યપાલ લાલજી ટંડને સોમવારના રોજ મુખ્યપ્રધાનને પત્ર લખી કમલનાથ સરકારને 17 માર્ચ એટલે મંગળવારના રોજ ફ્લોર ટેસ્ટ કરવવાનો આદેશ આપ્યો હતો. તેની સાથે જ રાજ્યપાલે પોતાના પત્રમાં લખ્યું કે, જો સરકાર આવું નહી કરે તો માનવામાં આવશે કે સરકાર પાસે બહુમત નથી.
મંગળવારના રોજ લખેલા પત્રમાં કમલનાથે રાજ્યપાલને કહ્યું કે, દરેક તથ્યોમાં મેં તમારા આદેશ પ્રમાણે કાર્ય કર્યું છે. હું તમને પત્રની એક નકલ મોકલી રહ્યો છું.
