લોકસભા ત્રીજો તબક્કો: 117 બેઠક પર મતદાન શરૂ, અનેક દિગજ્જો મેદાનમાં

ન્યૂઝ ડેસ્ક: લોકસભા ચૂંટણી 2019 માટે ત્રીજા તબક્કાનું મતદાન શરૂ થઇ ગયુ છે. આ તબક્કામાં મહારાષ્ટ્ર, ગુજરાત, કર્ણાટક, ઓડિશા, આસામ અને ગોવાની બેઠકો સામેલ છે. આ ચૂંટણી માટે રવિવારે સાંજે પ્રચાર પડઘમ શાંત થઈ ગયો હતો. આ ચૂંટણીમાં ગુજરાતમાં 26 બેઠકો પર મતદાન શરૂ થઇ ગયુ છે, જેમાં સૌથી હોટ સીટ ગાંધીનગરમાં અમિત શાહનું ભાવિ EVMમાં કેદ થશે. ત્રીજા તબક્કામાં 14 રાજ્યોની 115 લોકસભા બેઠકો પર મતદાન શરૂ થઇ ગયુ છે. આ બેઠકો સિવાય બીજા તબક્કાની જે બે બેઠકો પર (તમિલનાડુની વેલ્લોર અને ત્રિપુરાની પશ્વિમ બેઠક) પર ચૂંટણીપંચે મતદાન ટાળી દીધું હતું. આ રીતે 16 રાજ્યોની 117 બેઠકો પર પણ મતદાન શરુ થઇ ગયુ છે. આજના આ ત્રીજા તબક્કાના મતદાનમાં આસામની 4, બિહારની 5, છત્તીસગઢની 7, ગુજરાતની તમામ 26, ગોવાની 2. જમ્મુ કાશ્મીરની 1, દમણ દીવની 1, બેઠકો પણ સામેલ છે.

ગુજરાતની 26 બેઠકો માટે સમગ્ર ગુજરાતમાં અનેક સ્ટાર પ્રચારકો પ્રચાર માટે આવી ગયા હતા. ભાજપ કોંગ્રેસ બંને પાર્ટીઓમાંથી નેતાઓ અને અભિનેતાઓ આવ્યા હતા.

ભાજપમાંથી જોઈએ તો વડાપ્રધાન મોદી, પાર્ટી અધ્યક્ષ અમિત શાહ, વિજય રુપાણી, યોગી આદિત્યનાથ, સુષ્મા સ્વરાજ, નિર્મલા સીતારમણ, સ્મૃતિ ઈરાની જેવા નેતાઓ આવી ગયા હતા. તો આ બાજું કોંગ્રેસમાંથી પણ રાહુલ ગાંધી, સોનિયા ગાંધી, પ્રિયંકા ગાંધી, નવજોત સિદ્ધુ, કપિલ સિબ્બલ, શત્રુઘ્ન સિંહા જેવા નેતાઓ આવ્યા હતા. આ સ્ટાર પ્રચારકોએ સમગ્ર ગુજરાતમાં ચૂંટણી લક્ષી માહોલ બરાબરનો જમાવી દીધો હતો.

કર્ણાટકની 14 લોકસભા સીટ માટેનું પણ મતદાન શરૂ, 237 ઉમેદવાર મેદાનમાં
કર્ણાટકમાં જોઈએ તો 14 લોકસભા સીટ માટે 237 ઉમેદવાર મેદાનમાં છે. કર્ણાટકમાં કોંગ્રેસ-જેડીએસના ગઠબંધનમાં નેતાઓ બરાબરનો પ્રચાર કર્યો હતો. ભાજપમાંથી વડાપ્રધાન મોદી, અમિત શાહ, નિર્મલા સીતારમણ, સ્મૃતિ ઈરાની, યેદીયુરપ્પા સહિતના નેતાઓ પ્રચારમાં હતા.

કોંગ્રેસ-JDSના ગઠબંધન તરફથી કોંગ્રેસ અધ્યક્ષ રાહુલ ગાંધી JDS નેતા અને પૂર્વ વડાપ્રધાન એચ.ડી દેવગૌડા, કર્ણાટકના મુખ્ય પ્રધાન એચ.ડી કુમારસ્વામી અને પૂર્વ મુખ્ય પ્રધાન સિદ્ધરમૈયાએ પ્રચાર કર્યો હતો. આંધ્ર પ્રદેશના મુખ્ય પ્રધાન ચંદ્રબાબુ નાયડુએ પણ ગઠબંધન માટે પ્રચાર કર્યો હતો. ત્રીજા તબક્કામાં દિગ્ગજ ઉમેદવારોમાં ગુલબર્ગાથી મલ્લિકાર્જુન ખડગે (કોંગ્રેસ) ઉત્તર કત્રડથી કેન્દ્રીય પ્રધાન અનંત કુમાર હેગડે (ભાજપ) અને બિજાપુરથી કેન્દ્રીય પ્રધાન રમેશ જિગજિગાની, યેદિયુરપ્પાના પુત્ર વાઈ રાઘવેંદ્ર (ભાજપ) પૂર્વ મુખ્ય પ્રધાન એસ. બંગારપ્પાના પુત્ર મધુ બંગારપ્પા (JDS) સામેલ છે.

કર્ણાટકમાં પ્રચાર કરવા માટે ભાજપ તરફથી PM મોદી, મુખ્ય પ્રધાન સર્વાનંદ સોનોલવ, પૂર્વ મુખ્ય પ્રધાન તરૂણ ગોગોઈ, આસામના નાણાપ્રધાન હિમંત બિસ્વ સરમા અને ભાપજના પ્રદેશ અધ્યક્ષ રંજીત દાસ અને આસામ પ્રદેશ કોંગ્રેસ અધ્યક્ષ રિપુન બોરા પ્રમુખ હતા.

આસામની ચાર લોકસભા બેઠક માટે મંગળવારે મતદાન થશે. ઓડિશાની 6 લોકસભાની બેઠકો અને 42 વિઘાનસભાની બેઠકો માટે મંગળવારે મતદાન થશે. ભાજપ અને BJD સહિત અન્ય દળોના નેતાઓએ પ્રચાર કર્યો હતો. મંગળવારે ભુવનેશ્વર, કટક, પુરી, સંબલપુર, ક્યોંઝર અને ઢેંકનાલ લોકસભા બેઠકો અને 42 વિધાનસભા ક્ષેત્રો પર મતદાન થશે.

ત્રીજા તબક્કામાં પ્રમુખ ઉમેદવારોમાં BJDના બી મહતાબ, પિનાકી મિશ્રા, અરૂપ પટનાયક, ભાજપના પ્રવક્તા સંબિત પાત્રા, પ્રકાશ ચંદ્ર મિશ્રા અને અપરાજિતા સારંગી સામેલ છે.

ગોવાની બંને લોકસભા બેઠકો માટે મંગળવારે મતદાન થશે. ઉત્તર ગોવા, દક્ષિણ ગોવા લોકસભા બેઠકોની સાથે શિરોડા, માપુસા અને માંદ્રેમ વિધાનસભા બેઠકો પર પેટાચૂંટણી થશે. ભાજપ અને કોંગ્રેસના દિગ્ગજ નેતાઓની સાથે સાથે AAPના સંયોજક અરવિંદ કેજરીવાલે પણ પોતાની પાર્ટીના ઉમેદવારોના સમર્થનમાં પ્રચાર કર્યો હતો.