નવી દિલ્હી. ભારતમાં કોરોના વાઇરસના કેસમાં સતત્ત વધારો નોંધાઇ રહ્યો છે. ગુરુવારે આરોગ્ય અને પરિવાર કલ્યાણ મંત્રાલયે જાહેર કરેલા આંકડા મુજબ, બુધવારે સવારે 8 વાગ્યાથી ગુરુવારે 8 વાગ્યા સુધીમાં 32,695 નવા કેસ નોંધાયા છે. એક દિવસમાં અત્યાર સુધીમાં સૌથી વધુ દર્દીઓ કોરોનાગ્રસ્ત થયા છે. છેલ્લા 24 કલાકમાં 606 લોકો મૃત્યુ પામ્યા હતા.
છેલ્લા 24 કલાકમાં સૌથી વધુ મોત થયા છે. છેલ્લા 24 કલાકમાં 20,783 લોકો સ્વસ્થ્ય પણ થયા છે જેથી તેમને રજા આપવામાં આવી હતી. હાલમાં દેશમાં 3,31,146 કેસ સક્રિય છે. જેમાંથી 6,12,814 લોકો સ્વસ્થ્ય થઇ ગયા છે અને 24,915 લોકોના મોત થયા છે. દેશમાં અત્યાર સુધીમાં કુલ 9,68,814 કોરોના કેસ મળી આવ્યા છે.
હાલના આંકડાની વાત કરીએ તો હાલમાં કોરોનાથી સાજા થનારા લોકોનો દર 63.2 ટકા છે. જ્યારે રાષ્ટ્રીય રાજધાની દિલ્હીમાં કિરવરી રેટ 81.8 ટકા છે, જે રાષ્ટ્રીય સરેરાશ કરતા 25 ટકા વધુ છે. રાજ્યમાં મૃત્યુ દર 3 ટકા છે. ગુરુવારે જાહેર કરવામાં આવેલા આંકડા મુજબ, તમિલનાડુમાં કોરોના કુલ 1.5 લાખ કેસ નોંધાયા છે, જેમાંથી 1 લાખ લોકો સાજા થયા છે.
આસામમાં રાજ્યપાલના સચિવ અને કમિશ્નર સહિત ઘણા વરિષ્ઠ અધિકારીઓને કોરોના ચેપ લાગ્યો છે. એક અધિકારીએ બુધવારે જણાવ્યું હતું કે, છેલ્લા 2-3 દિવસમાં ઓછામાં ઓછા પાંચ વરિષ્ઠ અધિકારીઓ પોઝિટિવ મળ્યા છે. 15 જુલાઈએ રાજ્યમાં કોવિડ 19ના નવા 1,088 કેસ નોંધાયા હતા. આમાંથી 649 કેસ ગુવાહાટીના છે. રાજ્યમાં કોરોના કેસોની કુલ સંખ્યા વધીને 19,754 થઈ ગઈ છે, જેમાંથી 12,888 દર્દીઓ સાજા થયા છે. સક્રિય કેસની સંખ્યા 6,815 છે અને અત્યાર સુધીમાં 48 લોકોના મોત નીપજ્યાં છે.
મહારાષ્ટ્ર કોરોનાથી સૌથી અસરગ્રસ્ત રાજ્ય છે. છેલ્લા 24 કલાકમાં કોવિડ -19ના 7,975 નવા કેસ નોંધાયા છે. ત્યારે ચેપગ્રસ્ત લોકોની સંખ્યા વધીને 2,75,640 થઈ ગઈ. આરોગ્ય વિભાગે જણાવ્યું છે કે, છેલ્લા 24 કલાકમાં કોરોના વાઇરસથી 233 લોકોના મોત થયા છે.તો આ સાથે રાજ્યમાં રોગથી મૃત્યુ પામેલા લોકોની સંખ્યા 10,928 થઈ ગઈ છે. છેલ્લા 24 કલાકમાં 233 મોતમાંથી 62 મુંબઇના છે.
