પશ્ચિમ બંગાળ: કોલકાત્તામાં ખાનગી હોસ્પિટલોમાં કામ કરતી નર્સ કોરોના સંકટ અને લોકડાઉનને કારણે રાજીનામું આપી પોતાના વતન રાજ્ય પરત જઈ રહી છે. ખાનગી હોસ્પિટલમાં કામ કરતી 169 સ્ટાફ નર્સોએ તેમની નોકરીમાંથી રાજીનામું આપી દીધું હતું.
અન્ય રાજ્યોમાંથી આવેલી આ 169 સ્ટાફ નર્સોમાં મણિપુરની 92, ત્રિપુરાની 43, ઓડિશાની 32 અને ઝારખંડની 2 સહિતના કર્મચારીઓએ તેમની ફરજથી રાજીનામું આપી દીધું હતું. છેલ્લા બે દિવસમાં ખાનગી-હોસ્પિટલની 354 નર્સો રાજીનામું આપી વતન પરત જઈ રહી છે.
શુક્રવારે કોલકાત્તા તેમજ નજીકના વિસ્તારોની કેટલીક ખાનગી હોસ્પિટલોની 185 નર્સોએ તેમની નોકરીથી રાજીનામું આપ્યું હતું. તેમના વતન મણિપુર પરત જતા રહ્યા હતા.
ઉલ્લેખનીય છે કે, લોકડાઉન દરમિયાન પડતી સમસ્યાઓને કારણે ખાનગી હોસ્પિટલમાં કામ કરતી નર્સો રાજીનામું આપી પોતોના વતન જઈ રહી છે.
