ભારતીય વાયુ સેનાનું વિમાન શ્રીનગર થી 320 પર્યટકો સાથે રવાના

શ્રીનગર: ભારતીય વાયુ સેનાનું વિમાન 326 પર્યટકોની સાથે શ્રીનગરથી રવાના થયુ છે. રાજ્ય વહીવટ તંત્રની સલાહ બાદ આ પગલું ભરવામાં આવ્યું છે. સરકાર દ્વારા અમરનાથ યાત્રા અધવચ્ચે જ રોકી ઝડપથી ધાટી છોડવાનું કહેવામાં આવ્યું છે.

સરકારે અમરનાથ યાત્રીઓ અને પર્યટકો માટે એડવાઝરી જાહેર કરવામાં આવી હતી. જેમા અમરનાથ યાત્રીઓને નિશાનો બનાવી આતંકી હુમલાના ઇનપૂટ મળ્યા છે. જેને ધ્યાનમાં લઈ તમામ યાત્રીઓને જલ્દીથી જમ્મુ-કાશ્મીર છોડવાનો આદેશ આપવામાં આવ્યો છે.

પોલીસે શ્રીનગરમાં તમામ હોટલોમાં કોઈપણ નવા મુસાફરોને રહેવા માટે પરવાનગી ન આપવા જણાવ્યું હતુ. હવાઈ ટિકિટના પર્યટકોને અન્ય વિમાનથી મોકલવા માટે હવાઈમથક પર પહોચવાનું કહેવામાં આવ્યું છે. પર્યટક અને અમરનાથ યાત્રાના શ્રદ્ધાળું કાશમીર ધાટીથી જવા લાગ્યા છે.