નવી દિલ્હી: AK 203 રાઇફલ માટે ભારત અને રશિયા વચ્ચે એક મહત્વપૂર્ણ કરારને આખરી ઓપ આપવામાં આવ્યો છે. આ માહિતી રશિયન મીડિયા દ્વારા આપવામાં આવી છે. સંરક્ષણ પ્રધાન રાજનાથ સિંહ હાલમાં રશિયાની મુલાકાતે છે. AK 203 રાઇફલ એ AK 47 રાઇફલનું આધુનિક સ્વરૂપ છે. આ ડીલમાં દેશમાં હથિયારોની ખરીદી તેમજ તેમના ઉત્પાદનનો સમાવેશ છે.
રશિયન સરકારી મીડિયા અનુસાર, ભારતીય સેનાને 7.7 લાખ એકે AK 203 રાઇફલ્સ મળશે. તેમાંથી 1 લાખ તૈયાર કરીને ભારત મોકલવામાં આવશે. જ્યારે બાકીનાનું ઉત્પાદન ભારતમાં કરવામાં આવશે. આ રાઇફલો ભારત અને રશિયાની સંસ્થાઓના સંયુક્ત ઉપક્રમે ઇન્ડો-રશિયન રાઇફલ પ્રાઈવેટ લિમિટેડ દ્વારા ભારતમાં બનાવવામાં આવશે.
AK સીરીઝ રાઇફલની સૌથી મોટી વિશેષતા એ છે કે તે દરેક હવામાન અને વાતાવરણમાં સંપૂર્ણ રીતે સાથે કાર્ય કરે છે અને રાઇફલ જામ થતી નથી. આ જ કારણ છે કે AK 47 વિશ્વની મોટાભાગની સૈન્ય દ્વારા રાખવામાં આવે છે. AK 203 રાઇફલ એ AK 47 નું આધુનિક સ્વરૂપ જ છે.
સીરીઝની નવીનતમ રાઇફલ AK કે 203 મેગેઝિનમાં 30 જેટલી બુલેટ ભરી શકે છે. તેમાં 400 મીટર ફાયરપાવરની રેન્જ છે અને તે ખૂબ સચોટ રીતે હિટિંગ કરી શકે છે. રાઇફલમાં જરૂરિયાત મુજબ ફેરફારો કરી શકાય છે. એટલે કે, અંડરબેરલ ગ્રેનેડ પ્રક્ષેપણ અને અન્ય સાધનો સરળતાથી ઉમેરી અને દૂર કરી શકાય છે.
