આ વિરોધ પ્રદર્શનના લીધે રેલવે સ્ટેશન ઉપર ભીડ જામી હતી. રેલવે સેવા બંધ થવાના કારણે અનેક મુશ્કેલીઓ સર્જાય હતી. પ્રદર્શનકારીઓએ ' નો કેબ, ગો બેક..ગો બેક..'ના નારા લગાવ્યા હતાં.
પ્રદર્શન કરનાર લોકોએ જણાવ્યુ હતું કે, આ ન તો ધાર્મિક પ્રદર્શન છે અને ન તો કોઈ રાજકીય પ્રદર્શન છે. આસામના તમામ લોકો નાગરિકતા કાયદાની વિરુદ્વમાં અવાજ ઉઠાવવા ભેગા થયા છે.
તેમણે ઉમેર્યુ હતું કે, આસામ ઘણા વર્ષોથી ઘુસણખોરોની સમસ્યાથી પીડિત છે. આ કાયદાથી લાખો પ્રવાસીઓ આસામના નાગરિક બની જશે. તેથી આસામની સંસ્કૃતિના રક્ષણ માટે સરકાર આ કાયદો રદ કરે તેવી માગ તેમણે કરી હતી.
