પ્રાપ્ત વિગતો મુજબ, આ બેઠકમાં રિયલ એસ્ટેટના મુદ્દે ચર્ચા કરવામાં આવી હતી. અહીં જાણવા જોગ છે કે, આ અગાઉ પણ વીડિયો કોન્ફરંસીગ દ્વારા બેઠક યોજાઈ હતી. આ બેઠક બાદ 3બી રિટર્ન ભરવાની અંતિમ તારીખમાં વધારો કરી દીધો છે. GSTR-3B એક માસિક સંક્ષિપ્ત અહેવાલ રિટર્ન છે.
સરકારે જાહેરાત કર્યા બાદ અરૂણ જેટલીએ જણાવ્યું કે, હાઉસિંગ અને લોટરીના મુદ્દા પર ચર્ચા કરવામાં આવી છે. રિયલ એસ્ટેટ સેક્ટરમાં મંદીના કારણે સરકારે GSTમાં રાહત આપી છે. તો આ બાજુ ગુજરાતના નાયબ મુખ્ય પ્રધાન નીતિન પટેલની આગેવાનીમાં યોગ્ય કિંમતના ઘરો પર 3 ટકા GST લગાવવાની વાત પર જોર આપ્યું છે. જે પહેલા 8 ટકા હતું. સમિતિના રિપોર્ટ પર રવિવારે બેઠકમાં આ નિર્ણય લેવાયો હતો.
