મુંબઈના થાણેમાં અને કોલાબામાં ભીષણ આગ, મોટું નુકસાન

દેશની આર્થિક રાજધાની ગણાતાં મુંબઈમાં ભીષણ આગ લાગી હોવાની ખબર સામે આવી છે. ગત રાત્રે થાણેમાં અને કોલાબામાં એક ગોડાઉનમાં ભીષણ આગ લાગી હતી. સદનસીબે આ બંને ઘટનાઓમાં કોઈ જાનહાની થઈ નથી.

મુંબઈઃ થાણેમાં આવેલા એક ઔદ્યોગિક એકમમાં અને કોલાબામાં એક ગોડાઉનમાં ગત રાત્રે આગ લાગી હતી. આ ઘટનાની જાણ થતાં ફાયર ટીમે તાત્કાલિક ઘટનાસ્થળે આગ પર કાબૂ મેળવ્યો હતો. સદનસીબે કોઈ જાનહાની થઈ નથી, પરંતુ આ ઘટનાઓમાં મોટાપાયે નુકસાન થયું હોવાની માહિતી મળી છે.

થાણે મ્યુનિસિપલ કોર્પોરેશનના રિઝનલ ડિઝાસ્ટર રિસ્પોન્સ સેલના વડા સંતોષ કદમે જણાવ્યું કે, આગ અગરબત્તી મેન્યુફેક્ચરિંગ યુનિટમાં રાત્રે 9.15 કલાકે લાગી હતી, ત્યારબાદ આ આગ પરિસરના વિવિધ ભાગોમાં ફેલાઈ હતી. ફાયર ટીમે તાત્કાલિક ઘટનાસ્થળે પહોંચીને આગ પર કાબૂ મેળવ્યો હતો.