મળતી માહિતી અનુસાર, શુક્રવારે હૈદરાબાદના બહારના વિસ્તારમાં તેલૂગુ સુપરસ્ટાર ચિરંજીવીના ફાર્મહાઉસમાં આગ લાગવાની ઘટના બની હતી. આ દુર્ઘટના સમયે "સઇ રા નરસિમ્હા રેડ્ડી"ના સેટ પર કોઇ હાજર ન હતું તે સમયે બનેલી આ ઘટનાથી સેટના એક ભાગને નુકસાન થયું હતું.
"સઇ રા નરસિમ્હા રેડ્ડી" એક ઐતિહાસિક યુદ્ધ ફિલ્મ છે, જે ઉયાલવાડા નરસિમ્હા રેડ્ડીના જીવન પર આધારિત છે. તેલૂગુ, તમિલ અને મલયાલમમાં બનેલી આ ફિલ્મમાં ચિરંજીવી, અમિતાભ બચ્ચન, નયનથારા, તમન્નાહ અને અન્ય સ્ટાર પણ સામેલ છે.
આ ફિલ્મ ચિરંજીવીના પુત્ર અને ખ્યાતનામ અભિનેતા રામ ચરણ દ્વારા નિર્મિત અને સુરેંન્દ્ર રેડ્ડી દ્વારા ડાયરેક્ટ કરવામાં આવી રહી છે.
