ન્યૂઝ ડેસ્ક: નાણા પ્રધાને યુપીએ સરકાર પર આરોપ લગાવ્યો હતો કે, યુપીએ સરકારના કાર્યકાળ દરમિયાન અનિલ અંબાણી ગ્રુપ, એસેલ ગ્રુપ, ડીએચએફએલ, આઇએલએફએસ અને વોડાફોન જેવી જોખમી કંપનીઓને યસ બેંકના ફાઉન્ડર અને પૂર્વ એમડી રાણા કપુરે ફાયદો કરાવ્યો હતો. રાણા કપુરના પાછલા વર્ષે જાન્યુઆરીમાં પદ પરથી હટાવી લેવામાં આવ્યા હતા અને આરબીઆઇએ તેમના કાર્યકાળને લંબાવવાની બેંકની રજૂઆતને નકારી હતી. તેમણે એમ પણ કહ્યું કે 2006માં સંકટ સમયે આઇડીબીઆઇ સાથે યુનાઇટેડ વેસ્ટર્ન બેંક જોડાણ કરીને પ્રજાના નાણાંને મોટુ નુકશાન કરાયુ હતુ.
કોંગ્રેસના નેતા રાહુલ ગાંધી અને પૂર્વ નાણા પ્રધાન પી. ચિદમ્બરમ દ્વારા મોદી સરકાર પર યસ બેંકના મામલે કરાયેલા આક્ષેપ બાદ નિર્મલા સીતારમને શુક્રવારે પત્રકાર પરિષદને સંબોધન કર્યું હતું. પી. ચિદમ્બરમે ટ્વીટ કરીને કહ્યુ હતુ કે ભાજપ સરકાર છેલ્લાં છ વર્ષથી સતા પર છે અને નાણાંકીય સંસ્થાઓના રેગ્યુલેટ કરવાની તેમની ક્ષમતા ઉજાગર થઇ રહી છે. જોકે, પી. ચિદમ્બરમ માત્ર એક કોંગ્રેસના નેતા નહોતા કે જેમણે બેંકિગ ક્ષેત્રની કટોકટી અંગે મોદી સરકાર પર નિશાન તાક્યુ હોય પણ સતત ટ્વીટ દ્વારા અન્ય મોદી સરકાર પર આક્ષેપ કરવામાં આવતા નાણા પ્રધાને પ્રત્રકાર પરિષદ બોલાવીને પ્રતિક્રિયા આપવાની ફરજ પડી હતી.
ચિદમ્બરમે ટ્વીટમાં કહ્યું હતું કે, પહેલા તે પીએમસી બેંક હતીઅને હવે તે યસ બેંક છે. શું સરકારને ખરેખર કોઇ ચિંતા છે? શું તે પોતાની જવાબદારીથી બચી શકશે? અને લાઇનમાં હજુ ત્રીજી બેંક છે? તેમણે નાણામંત્રીના આરોપને ખંડન કરતા જણાવ્યુ કે ગ્લોબલ ટ્રસ્ટ બેંક (જીટીબી) , યુનાઇટેડ વેસ્ટર્ન બેંક ( ડબલ્યુવીબી) અને ગણેશ બેંક ઓફ કુરુંડવાડ (જીબીકે)ને બચાવવા માટે યુપીએ સરકારે પગલા ભર્યા હતા.
સીતારમને યુપીએ પર આરોપ લગાવ્યો હતો કે કટોકટીથી ઘેરાયેલી બેંકોને અન્ય બેંકો સાથે ભેળવીને યુપીએ કોઇની જવાબદારી નક્કી કર્યા વિના હાથ અધ્ધર કર્યા છે. જ્યારે ગ્લોબલ ટ્રસ્ટ બેંક જુલાઇ 2004માં ઓરિએન્ટલ બેંક ઓફ કોમર્સમાં ભળી, યુનાઇટેડ બેંક આઇડીબીઆઇ બેંકમાં અને ગણેશ બેંક ઓફ કુરુંડવાડ પ્રાઇવેટ સેક્ટરની બેંક ધ ફેડરલ બેંકમાં જોડવામાં આવી હતી.
“હું તમને યુનાઇટેડ વેસ્ટર્ન બેકના આઇડીબીઆઇ બેંકના જોડાણ સમયે પોતાની જાતે બી બેઠેલા લોકોની નિમણૂંકનું ઉદાહરણ આપુ છુ. જેના કારણે આઇડીબીઆઇને અસર થઇ .તે હવે એવા લોકો સામે પ્રશ્ન ઉઠાવી રહ્યા છે કે જે યસ બેંક અને તેમના ગ્રાહકોના હિતને સાચવવા માટે પ્રયત્ન કરી રહ્યા છે. ” તેમ નારાજ થયેલા નાણા પ્રધાને કહ્યું, કે હું તેમને પુછું છું કે તેમણે (યુપીએ સરકારે) કેટલા લોકો સામે કાર્યવાહી કરી?
જો કે કોંગ્રેસમા દિગ્ગજ નેતા તે સમયે પૂર્વ વડા પ્રધાન મનમોહનસિંગના 2004 થી 201 દરમિયાનના 10 વર્ષના શાસનમાં નાણાં મંત્રાલયનો હવાલો સંભાળતા હતા.તેમણે નિર્મવા સીતારમનનો આક્ષેપ ફગાવી દીધો હતો કે જેમાં સીતારમને રહ્યુ હતુ કે યુપીએ સરકારના કાર્યકાળમાં યસ બેંકની સ્થિતિ કથળવા લાગી હતી.
નાણાંમંત્રીને સાંભળતા એમ લાગે કે તેમણે આડકતરી રીતે યસ બેંક ભાંગી પડવા માટે આડકતરી રીતે યુપીએ સરકારને જવાબદાર ગણાવી. તો પી. ચિદમ્બરમે પ્રત્રકાર પરિષદ પછી ટ્વીટમાં કહ્યુ કે 2017માં યસ બેંકની મુશ્કેલીઓ શરૂ થઇ હતી.
