પ્રાપ્ત વિગતો મુજબ, સાઉથ દિલ્હીના યાદવ સરાય વિસ્તારના દિલ્હી હાટ મોલમાં રાત્રીના લગભગ 10 વાગ્યે ભીષણ આગ લાગી હતી. આ આગ લાગવાને કારણે કરોડોનું નુકશાન થયું હતું, ત્યારે ઘટના સ્થળ પર ફાયર ફાઈટરની 5 ટીમ પહોંચીને આગ પર કાબુ મેળવવાનો પ્રયાસ કર્યો હતો, બીજી તરફ દિલ્હી સરકાર તરફથી ઘટના સ્થળ પર એમ્બ્યુલન્સને મોકલીને આગને બુઝાવાના પ્રયાસો કરવામાં આવી રહ્યા છે.
લાડો સરાયના દિલ્હી હાટમાં લાગી ભીષણ આગ, કરોડોનું થયું નુકશાન
શો-રુમ માલિકના જણાવ્યાં મુજબ, આગને કારણે કરોડો રુપિયાનું નુકશાન થયું છે. આગ લાગતાની સાથે જ ફાયર ફાઈટરને ફોન કરવા છતાં ફાયર ફાઈટરની ગાડી મોડી આવી હતી. તમને જણાવી દઈએ કે, આ બિલ્ડીંગમાં કપડા બનાવવાનું કામ કરવામાં આવતું હતું. બીજી બાજુ ચોકીદારનું કહેવું છે કે, જ્યાં સુધી અમને આગ લાગવાની ખબર પડે ત્યાં સુધીમાં તો આગે વિકરાળ સ્વરુપ ધારણ કરી લીધું હતું.
