હરિયાણા: સોનીપત જિલ્લાના કુંડલી-ગાઝિયાબાદ-પલવલ એક્સપ્રેસ વે પર તકનીકી ખામીને કારણે વાયુસેનાના હેલિકોપ્ટરની ઇમરજન્સી લેન્ડિંગ કરવામાં આવી હતી. પાયલટે અધિકારીઓને આ અંગે માહિતી આપી હતી, ત્યારબાદ હિંડન એરબેઝથી અધિકારીઓ અને મિકેનિક ઘટના સ્થળે પહોંચ્યા હતા.
સવારે 10 વાગ્યાની આસપાસ, હેલિકોપ્ટર રસ્તા પર ઉતરતું જતાં ત્યાંથી પસાર થતા વાહનો રોકાઇ ગયા હતા. હેલિકોપ્ટર નીચે આવતા જોઈને લોકો આશ્ચર્યચકિત થઈ ગયા હતા. પાયલટે અધિકારીઓને તકનીકી સમસ્યા અંગે માહિતી આપી હતી.
એક્સપ્રેસ વે પર હેલિકોપ્ટર લગભગ એક કલાક ઉપર રહ્યું હતું. હિંડન એરબેઝથી અધિકારીઓ અને મિકેનિક સ્થળ પર પહોંચ્યા હતા. અધિકારીઓ સાથે આવેલા મિકેનિક્સે ખામીને ઠીક કરી અને હેલિકોપ્ટરને ગંતવ્ય માટે રવાના કર્યું હતું.
