જમ્મુ કાશ્મીર અને હિમાચલ પ્રદેશના સરહદી વિસ્તારમાં ભૂકંપના આંચકા અનુભવાયા છે. આપને જણાવી દઈએ કે, આજે બપોરે લગભગ 12 કલાકને 10 મિનીટે આંચકા અનુભવાયા હતા. રિક્ટરમાં 5.0ની તીવ્રતા નોંધાઈ છે.
અહીં ઉલ્લેખનીય છે કે, ગત રોજ હિમાચલ પ્રદેશમાં અને આસામમાં ભૂકંરના ઝટકા અનુભવાયા હતા. ભારતના મૌસમ વિભાગે આ અંગેની જાણકારી આપી હતી. હિમાચલમાં પણ ગત રોજ રાતના લગભગ 12 કલાકને 5 મીનિટે ભૂકંપના આંચકા નોંધાયા હતા. રિક્ટર પર તેની તીવ્રતા 3.4 માપવામાં આવી છે.
તો આ બાજુ આસામમાં પણ ગત રોજ 7 કલાકને 03 મિનીટે લોકોએ ભૂકંપને મહેસૂસ કર્યો હતો. તેની તીવ્રતા સ્કેલ પર 3.3 નોંધાવામાં આવી હતી. આપને જણાવી દઈએ કે, આ ઝટકા આસામના આંગલોંગ વિસ્તારમાં અનુભવાયા હતા.
