નવી દિલ્હીઃ દિલ્હી હાઈકોર્ટે 1984ના શીખ રમખાણોના કેસમાં દોષિત નરેશ સેહરવતની કિડની ટ્રાન્સપ્લાન્ટ માટે ત્રણ મહિનાની સજા સ્થગિત કરવાની અરજીની સુનાવણી કરી હતી કે, જેલ પ્રશાસન દોષિતને ત્રણ દિવસની અંદર ILBS હોસ્પિટલમાં લઈ જવા નિર્દેશ આપ્યો હતો અને તેનુ મેડિકલ ચેકઅપ કરાવવા જણાવ્યું હતું. જસ્ટિસ મનમોહન અને જસ્ટિસ સંજીવ નરુલાની બેંચે વીડિયો કોન્ફરન્સિંગ દ્વારા સુનાવણી કર્યા પછી આ આદેશ આપ્યો છે.
આ કાર્યવાહી 11 માર્ચે થવાની હતી, જેમાં દિલ્હી સરકાર અને SITને નોટિસ ફટકારીને 25 મે સુધીમાં સ્ટેટસ રિપોર્ટ ફાઇલ કરવા સૂચના આપી હતી. કોર્ટ આ મામલે 26 મેના રોજ સુનાવણી કરશે. સુનાવણી દરમિયાન નરેશ સેહરવતને કહેવામાં આવ્યું હતું કે, તેનું કિડની ટ્રાન્સપ્લાન્ટ ઓપરેશન 11 માર્ચે થવાનું હતું, પરંતુ કોરોના વાઇરસને કારણે તેનું ઓપરેશન મોકૂફ રાખવામાં આવ્યું હતું.
20 નવેમ્બર 2018ના રોજ પટિયાલા હાઉસ કોર્ટે શીખ દંગા કેસમાં યશપાલ સિંહને ફાંસીની સજા સંભળાવી હતી, જ્યારે અન્ય દોષી નરેશ સેહરવતને આજીવન કેદની સજા ફટકારી હતી. પટિયાલા હાઉસ કોર્ટે 1984માં દક્ષિણ દિલ્હીના મહિપાલપુરમાં બે લોકોની હત્યાના મામલામાં સજા આપવામાં આવી હતી.
મહિપાલપુરમાં બે લોકોની હત્યા કરવા બદલ દોષિત દિલ્હી પોલીસે પુરાવાના અભાવે કેસ બંધ કર્યો હતો, પરંતુ 1984ના રમખાણોની તપાસ કરી રહેલી SITએ આ કેસ ફરીથી ખોલ્યો હતો. બંને પર 1984ના શીખ રમખાણો દરમિયાન મહિપાલપુરમાં હરદેવ સિંહ અને અવતારની હત્યા કરવાનો આરોપ હતો. આ કેસની જાણ હરદેવસિંહના ભાઈ સંતોકસિંહે પોલીસને કરી હતી.
