નવી દિલ્હી: ડેરિંગ સિટીઝ જલવાયુ પરિવર્તન અંગે શહેરી નેતાઓનું એક વૈશ્વિક પ્લેટફોર્મ છે. કોરોના સંક્રમણના સંદર્ભમાં આબોહવા પરિવર્તન અંગે ડેરિંગ સિટીઝની એક પરિષદ 7 ઓક્ટોબરના રોજ યોજાઇ રહી છે. જર્મનીની સરકારના સહયોગથી આ સંમેલનનું આયોજન ICLAI અને જર્મનીના બોન શહેર દ્વારા કરવામાં આવ્યું છે. આ પરિષદમાં 5 વૈશ્વિક નેતાઓને વક્તા તરીકે આમંત્રિત કરવામાં આવ્યા છે. જેમણે તેમના શહેરમાં પ્રદૂષણને સમાપ્ત કરવાના કામ કર્યું છે.
વર્ચુઅલ માધ્યમથી કોન્ફરન્સ યોજાશે
આ પાંચ નેતાઓમાં દિલ્હીના મુખ્યપ્રધાન અરવિંદ કેજરીવાલનો પણ શમાવેશ છે. આ ઉપરાંત બોગોટા, બ્રાઝિલના સાઓ પાઓલો,યુએસએના લોસ એન્જલસ અને યુગાન્ડા એન્ટેબેના નેતાઓ સંમેલને સંબોધન કરશે. આ પરિષદ 7 ઓક્ટોબરના રોજ સાંજે 7:30 વાગ્યે વર્ચુઅલ માધ્યમથી યોજાશે. તેમાં લેટિન અમેરિકા, આફ્રિકા, ઉત્તર અમેરિકા અને એશિયાના પ્રતિષ્ઠિત શહેરોના નેતાઓ હાજર રહેશે.
વૈશ્વિક નેતાઓને સંબોધન
મુખ્યપ્રધાન અરવિંદ કેજરીવાલ સમેલનમાં દુનિયી ભરના એક હજારથી વધુ મેયર અને શહેર કાઉન્સિલરો, શહેરી વિચારધારાના નેતાઓ, સરકારોના પ્રતિનિધિઓ, સંશોધનકારો અને વૈશ્વિક વ્યવસાયના અગ્રણી લોકોની સામે પોતાનું સંબોધન આપશે. આ સંમેલનમાં સંયુક્ત રાષ્ટ્રના મહાસચિવ એન્ટોનિયો ગુટેરેસ પણ હાજર રહેશે. આ પરિષદમાં મુખ્ય પ્રધાન દિલ્હીમાં પ્રદૂષણ ઘટાડવા સરકાર કેવી પગલાં લઈ રહી છે તે વિશે વાત કરશે.
આ પરિષદમાં અરવિંદ કેજરીવાલ ભારતીય કૃષિ સંશોધન સંસ્થા દ્વારા તૈયાર કરેલી તકનીકનો પણ ઉલ્લેખ કરશે. સાથે તે દિલ્હી સરકારની ઇલેક્ટ્રિક વ્હિકલ પોલિસી વિશે પણ વાત કરશે.
