હૈદરાબાદ: દેશમાં કોરોના વાઇરસના કેસ 16 લાખ પર પહોંચી ગયા છે. છેલ્લા 24 કલાકમાં 55,079 નવા કેસ નોંધાયા છે અને 779 લોકો મૃત્યુ પામ્યા છે. દરમિયાન સરકારે અનલોક-3ની ગાઇડ લાઈન પણ બહાર પાડી છે. કેન્દ્રીય આરોગ્ય મંત્રાલયના આંકડા મુજબ ભારતમાં છેલ્લા 24 કલાકમાં કોવિડ 19ના 55,078 કેસ નોંધાયા છે અને તેમાં 779 લોકોના મોત થયા છે. જેમાંથી 5,45,318 સક્રિય કેસ સાથે, પોઝિટિવ કેસોની કુલ સંખ્યા વધીને 16,38,870 થઈ ગઈ છે. તેમાંથી 10,57,805 દર્દીઓ સાજા થયા છે. કોરોનાથી અત્યાર સુધીમાં 35,747 લોકો મૃત્યુ પામ્યા છે.
- મહારાષ્ટ્ર
શુક્રવારે મહારાષ્ટ્રમાં કોરોનાના 10,320 નવા કેસ નોંધાયા છે અને 265 લોકોના મોત નીપજ્યા છે. રાજ્યમાં સંક્રમિત લોકોની કુલ સંખ્યા વધીને 4,22,118 થઈ ગઈ છે.
- તમિળનાડુ
તમિળનાડુમાં આજે કોરોનાના 5,881 નવા કેસ નોંધાયા છે અને 97 લોકોના મોત નીપજ્યા છે. રાજ્યમાં કેસની કુલ સંખ્યા વધીને 2,45,859 થઈ ગઈ છે.
- આંધ્રપ્રદેશ
આંધ્રપ્રદેશમાં છેલ્લા 24 કલાકમાં કોરોનાના 10376 નવા કેસ નોંધાયા છે. જે બાદ અહીં સંક્રમિત લોકોની કુલ સંખ્યા 1,40,933 રહી છે.
- ગુજરાત
રાજ્યમાં કુલ આંકડો 61 હજાર વટાવી દીધો છે. ત્યારે 24 કલાકમાં નવા 1153 કેસ સામે આવ્યા છે.
- નવી દિલ્હી
દિલ્હીમાં છેલ્લા 24 કલાકમાં કોરોનાના 1195 નવા કેસ અને 27 લોકોના મોત થયા છે. રાજધાનીમાં કેસની કુલ સંખ્યા વધીને 1,35,598 થઈ ગઈ છે.
- પશ્ચિમ બંગાળ
શુક્રવારે પશ્ચિમ બંગાળમાં કોરોનાના 2496 નવા કેસ નોંધાયા છે અને 45 લોકોના મોત નીપજ્યા છે. રાજ્યમાં ચેપગ્રસ્ત લોકોની કુલ સંખ્યા 70,188 પર પહોંચી ગઈ છે. રાજ્યમાં 20,233 કેસ સક્રિય છે, તો આ સાથે જ 48374 લોકો સાજા થયા છે. 1581 લોકોના મોત નીપજ્યાં છે.
- ઉત્તરાખંડ
ઉત્તરાખંડમાં શુક્રવારે કોરોના ચેપના 118 નવા કેસ નોંધાયા છે. આ પછી, રાજ્યમાં સક્રિય કેસની સંખ્યા હવે વધીને 2,897 થઈ ગઈ છે. અત્યાર સુધીમાં 80 દર્દીઓના મોત નીપજ્યા છે.
- હરિયાણા
હરિયાણામાં શુક્રવારે 711 નવા કેસ નોંધાયા છે અને ચાર લોકોના મોત નીપજ્યા છે. અહીં કુલ કેસની સંખ્યા 34,965 થઈ ગઈ છે, જેમાંથી 28,227 લોકો સાજા થયા છે અને 421 લોકોના મોત નીપજ્યા છે.
- કર્ણાટક
છેલ્લા 24 કલાકમાં, કર્ણાટકમાં કોરોનાના 5,483 નવા કેસ અને 84 લોકોના મોત નીપજ્યા છે. અહીં કેસની કુલ સંખ્યા 1,24,115 થઇ ગઇ છે. સક્રિય કેસની સંખ્યા 72,005 છે.
- પંજાબ
પંજાબમાં 665 નવા કેસ નોંધાયા હતા અને 16 લોકોના મોત નીપજ્યા હતા. અહીં કુલ કેસની સંખ્યા 16,119 થઇ ગઇ છે, જેમાંથી 10,734 લોકો સાજા થયા છે અને 386 લોકોના મોત નીપજ્યા છે.
