હૈદરાબાદ: કોવિડ -19 રોગચાળો દેશના લગભગ તમામ રાજ્યોમાં ફેલાઇ રહ્યો છે. સંક્રમિતો વધતી સંખ્યા ચિંતાનો વિષય છે. જો કે, સંક્રમિતના રિકવરીના દરથી થોડી રાહત છે. ગુરુવારે દેશમાં COVID-19 ને કારણે મૃત્યુઆંક વધીને 12,227 પર પહોંચી ગયો હતો અને 1,60,384 જેટલા સક્રિય કેસ સાથે કોરોના વાઇરસ કેસની સંખ્યા 3,66,946 પર પહોંચી ગઈ હતી. આજદિન સુધીમાં કુલ 1,94,324 દર્દીઓને રજા પણ આપવામાં આવી છે.
દિલ્હી
દિલ્હી સરકારે ગુરુવારે શહેરના કન્ટેન્ટમેન્ટ ઝોનમાં અને તેની આસપાસના 169 કેન્દ્રો પર રેપિડ એન્ટિજન પદ્ધતિ દ્વારા કોવિડ -19 પરીક્ષણ શરૂ કર્યું હતું.
કુલ 341 ટીમો રેપિડ એન્ટિજન પરીક્ષણમાં સામેલ છે જે 30 મિનિટની અંદર પરિણામોને ઉપલબ્ધ બનાવે છે.દરમિયાન, દિલ્હી સરકારે સીઓવીડ -19 આરટી-પીસીઆર પરીક્ષણ માટે 2,400 રૂપિયાની કિંમતની જાહેરાત કરી.
દરમિયાન, દિલ્હી સરકારે કોવિડ -19 આરટી-પીસીઆર પરીક્ષણ માટે 2,400 રૂપિયાની કિંમતની જાહેરાત કરી છે.
મહારાષ્ટ્ર
મુખ્યપ્રધાન ઉદ્ધવ ઠાકરેએ ગુરુવારે COVID-19 રોગચાળાને ધ્યાનમાં રાખીને આ વર્ષે એક સરળ અને ઓછા ગણપતિ ઉત્સવ ઉજવવા જણાવ્યું હતું અને ગણેશ મંડળોને સમાજ કલ્યાણ કાર્યક્રમો હાથ ધરવા જણાવ્યું હતું.
ઠાકરેએ કહ્યું કે કોરોનાવાઇરસનો ખતરો હજુ પૂરો થયો નથી અને તેથી સામાન્ય અને ઉમંગથી ગણેશ ઉત્સવ ઉજવવો શક્ય નહીં બને.
કર્ણાટક
કોરોના વાઇરસ રોગચાળા વચ્ચે માસ્ક પહેરવાની જરૂરિયાત અંગે જાગૃતિ ફેલાવવા માટે, કર્ણાટક સરકારે ગુરુવારે 'માસ્ક ડે' ઉજવ્યો.તેને યાદગાર બનાવવા માટે પોલીસ બેન્ડ દ્વારા ઘોડેસવારી કરતા જવાનોએ રાજ્યની રાજધાની બેંગલુરુમાં ક્યુબન પાર્ક વિસ્તારમાં પરેડ પણ યોજી હતી. ભારતના ભૂતપૂર્વ ક્રિકેટર અનિલ કુંબલેએ પણ આ કૂચમાં ભાગ લીધો હતો અને નાગરિકોને માસ્ક પહેરીને તેમના પ્રિયજનોની રક્ષા કરવા વિનંતી કરી હતી.
કેરળ
કોરોનાના કારણે વધુ એકનું મોત થયું છે.કેરળમાં મૃતકના સંક્રમણનો સ્ત્રોત શોધવા માટે વિશેષ તપાસ ટીમની રચના કરી છે. કેરળમાં ગુરુવારે 97 જેટલા નવા COVID-19 કેસ નોંધાયા છે જે હાલ કુલ સંખ્યા 2794 પર પહોંચી ગઈ છે.
ગુજરાત
શહેરમાં કોરોના વાઇરસ રોગચાળાને ધ્યાનમાં લઇને અમદાવાદમાં વાર્ષિક ભગવાન જગન્નાથ રથયાત્રા ન કરવા દેવા માટે રાજ્ય સરકારને નિર્દેશ કરતી પીઆઈલ ગુરુવારે ગુજરાત હાઇકોર્ટમાં દાખલ કરવામાં આવી હતી.
પત્રકાર અને કાર્યકર હિતેશ ચાવડા દ્વારા તેમના વકીલ ઑમ કોટવાલ દ્વારા દાખલ કરેલી પીઆઈએલની એક કે બે દિવસમાં સુનાવણી થાય તેવી સંભાવના છે.
મધ્યપ્રદેશ
રાજ્યના ગૃહ પ્રધાન નરોત્તમ મિશ્રાએ ગુરુવારે જણાવ્યું હતું કે રાજ્યમાં કેસ દિવસેને દિવસે ઘટતાં હોવાથી છ જેટલા જિલ્લા હવે સંક્રમણથી મુક્ત થયા છે. નોંધનીય છે કે રાજ્યમાં કોરોના સક્રિય કેસની સચોટ આંકડો 2308 છે જ્યારે ગુરુવારે 182 નવા કેસ નોંધાયા હતા.
બિહાર
ગુરુવારે ભાજપના પૂર્વ સાંસદ પુતુલ કુમારીનો COVID-19 ટેસ્ટ પોઝિટિવ આવ્યો છે. તેમને નવી દિલ્હીના ઑલ ઇન્ડિયા ઇન્સ્ટિટ્યૂટ ઑફ મેડિકલ સાયન્સ (એઈમ્સ) માં દાખલ કરવામાં આવ્યા છે.
નોંધનીય છે કે રાજ્યના ભૂતપૂર્વ સાંસદ રઘુવંશ પ્રસાદ સિંહ પછી રાજ્યમાં પોઝિટિવ આવનારા આ બીજા નેતા છે.
રાજ્યમાં ગુરુવારે 53 જેટલા નવા COVID-19 પોઝિટિવ કેસ નોંધાયા છે જેમાં કુલ 39 મૃત્યુ સાથે કુલ સંખ્યા 6993 થઈ ગઈ છે.
ઝારખંડ
કોરોના વાઇરસના કેસોમાં ઉછાળાને પગલે ઝારખંડ સરકારે સમગ્ર રાજ્યમાં જાહેર સ્થળોએ તમામ પ્રકારના તમાકુ પેદાશોના વપરાશ પર પ્રતિબંધ મૂક્યો હતો.
ઉત્તરાખંડ
રાજ્યમાં ગુરુવારે 57 કોરોના વાઇરસ પોઝિટિવ કેસ નોંધાયા છે. હાલ કુલ આંક વધીને 2,079 પર પહોંચી ગયો છે.
ઓડિશા
ગુરુવારે રાજ્યમાં કુલ 97 કોવિડ -19 થી દર્દીઓ રિકવર થયા છે અને રાજ્યમાં કુલ 144 કેસો રીકવર થયા છે. આ દર્દીઓની રિકવરી પછી રાજ્યમાં સક્રિય કેસનો આંક 1354 પર આવી ગયો છે.
