નવી દિલ્હીઃ ભારતના કોરોના વાઈરસ સંક્રમણ સતત વધી રહ્યો છે. ભારતના 27 રાજ્યો અને કેન્દ્રશાસિત પ્રદેશમાં કોરોના સંક્રમણ કેસ સામે આવી રહ્યાં છે. રવિવારને 29 માર્ચે મળતા આંકડા પ્રમાણે, મૃતકોની સંખ્યા 24 થઈ ગઈ છે. જ્યારે સંક્રમિત લોકોનો આંકડો 980ને પાર પહોંચ્યો છે. આ આંકડા દુનિયાભરમાં કોરોના સંક્રમણના આંકાડા પર નજર રાખનાર વેબસાઈટ વર્લ્ડોમીટર દ્વારા જાહેર કરવામાં આવ્યાં છે.
ભારતના સ્વાસ્થ્ય મંત્રાલયએ વર્લ્ડોમીટરના આંકડાની ખરાઈ કરી નથી. સ્વાસ્થ્ય મંત્રાલયે શનિવાર સાંજે 5.45 કલાકે જાહેર કરેલા આંકડા પ્રમાણે 918 સંક્રમિત છે. જ્યારે 19 લોકોના મોત થયા છે.
ગત શનિવારે તેલંગાણાના સ્વાસ્થ્ય પ્રધાન રાજેન્દ્રએ જણાવ્યું હતું કે, 74 વર્ષીય એક વ્યક્તિનું મોત થયું હતું. તેના બે દિવસ પહેલા તેમના રિપોર્ટમાં ઘાતક વિષાણું જોવા મળ્યા હતાં.
આગળ વાત કરતાં રાજેન્દ્ર જણાવ્યું કે, હાલમાં તે દિલ્હી ગયા હતા. 20 માર્ચે તેમને શ્વાસ લેવામાં તકલીફ થતી હતી. ત્યારબાદ 26 માર્ચે તે પોતાના બેભાન થઈ ગયા હતા અને તેમને તાત્કાલિક હૉસ્પિટલમાં સારવાર અર્થે ખસેડવામાં આવ્યાં હતાં. જ્યાં ડૉક્ટરે તેમને મૃત જાહેર કર્યા હતાં. તે સમય દરમિયાન તેઓને જાણ થઈ હતી કે, તે વૃદ્ધ વ્યક્તિ કોરોના વાઈરસથી સંક્રમિત હતા.
275 ભારતીયો કોરોના સંકટ વચ્ચે રાજસ્થાન લવાયા....
ઇરાનથી લાવવામાં આવેલી 275 ભારતીય નાગરિકોની બીજી બેચ જોધપુર પહોંચી છે. તેમને ભારતીય સેનાના વેલનેસ સેન્ટરમાં રાખવામાં આવશે. મહત્વનું છે કે, આ મહિનાની શરૂઆતમાં ઈરાનથી હાંકી કા 27વામાં આવેલા 277 ભારતીયો આ કેન્દ્રમાં પહેલાથી જ બંધ છે.
મધ્યપ્રદેશમાં 5 નવા કેસ, 19 થી વધુ લોકો અસરગ્રસ્ત
ઈન્દોરની મહાત્મા ગાંધી મેમોરિયલ મેડિકલ કોલેજે માહિતી આપી હતી કે, મધ્ય પ્રદેશથી કોરોના વાઈરસના પાંચ નવા કેસ નોંધાયા છે. ચેપગ્રસ્ત થયેલા ચાર લોકો ઇંદોર અને એક ઉજ્જૈનનો છે. ઉજ્જૈનમાં 17 વર્ષની મહિલાને ચેપ લાગ્યો છે. મેડિકલ કોલેજે માહિતી આપી હતી કે ,આ તમામ લોકો અગાઉ સંક્રમિત લોકોના સંપર્કમાં આવ્યા હતા.
યુપીમાં કોરોના પાંચ નવા કેસ, કુલ સંખ્યા 61
ઉત્તર પ્રદેશના મેરઠથી કોરોના વાઈરસના પાંચ નવા કેસ નોંધાયા છે. સંક્રમિત લોકોનો પરિવાર તાજેતરમાં મહારાષ્ટ્રના અમરાવતીથી પરત આવ્યો હતો.
