નવી દિલ્હી : ઉત્તરી સિક્કિમમાં ભારતીય અને ચીની સૈનિકો વચ્ચે થયેલી ઝપાઝપી બાદ આજે મંગળવારે ભારત ચીન સીમા રેખા પાસે ચીનના હેલીકોપ્ટરો જોવા મળ્યા હતા. તેના જવાબમાં ભારતીય વાયુસેનાએ સીમા પાસે તેના લડાકુ વિમાનોને પણ મોકલ્યા હતા.
સૂત્રો પાસેથી મળતી માહિતી મુજબ ચીની સેનાના હેલિકોપ્ટર સીમા રેખા પાસે નજીકથી ઉડતા જોવા મળ્યા હતા, ત્યારબાદ ભારતીય વાયુસેનાએ સમગ્ર વિસ્તારમાં પેટ્રોલિંગ કર્યુ હતું.
ઉલ્લેખનિય છે કે, રવિવારે પૂર્વી લડાખ અને ઉત્તર સિક્કિમના નાકૂ લા દર્રેની પાસે ભારત અને ચીની સૈનિકો વચ્ચે ઝપાઝપી થઇ હતી, જેમાં બંને પક્ષના કેટલાક સૈનિકો ઘાયલ થયા હતા.
