દેશભરમાં 72માં પ્રજાસત્તાક પર્વની ઉજવણી, વડાપ્રધાન મોદીએ રાષ્ટ્રને પાઠવી શુભેચ્છા

સમગ્ર દેશ આજે 72મો ગણતંત્ર દિવસ ઉજવી રહ્યો છે. દર વખતે પ્રજાસત્તાક દિનની પરેડ દરમિયાન વિવિધ ટેબ્લો રજૂ થતા હોઈ છે. આ વર્ષે પ્રથમ વખત રાફેલ T-90 ટેન્ક, આઇસોબિયલ ઇલેક્ટ્રોનિક લડાઇ સિસ્ટમ, સુખોઈ -30 એમકેઆઈ ફાઇટર એરક્રાફ્ટ સહિતના લડાકુ વિમાનોની ઉડાન સાથે પોતાની લશ્કરી શકિતનું પ્રદર્શન કરશે.

• પ્રજાસત્તાક દિનની લોકોને શુભેચ્છા પાઠવતા વડાપ્રધાન મોદીએ ટવિટમાં લખ્યું, 'જય હિન્દ.'
• પરેડ દરમિયાન સ્કૂલના વિદ્યાર્થીઓ લોકનૃત્ય કરશે
• ધ્વજ ફરકાવ્યા બાદ રાષ્ટ્રગીત અને 21 તોપની સલામી

નવી દિલ્હી: પ્રજાસત્તાક દિન પર રાષ્ટ્રીય રાજધાની દિલ્હીમાં સુરક્ષા વધારવામાં આવી હતી. રાષ્ટ્રીય સ્વયંસેવક સંઘના વડા મોહન ભાગવતે પ્રજાસત્તાક દિન નિમિત્તે અમદાવાદમાં ત્રિરંગો લહેરાવ્યો હતો. તો રાજસ્થાનના મુખ્યપ્રધાન અશોક ગેહલોતે જયપુર સ્થિત તેમના નિવાસ સ્થાને ત્રિરંગો લહેરાવ્યો હતો.

32 ટેબ્લોમાં સૈન્ય તાકાતની આન-બાન-શાન દેખાશે

દેશ આજે પોતાનો 72મો ગણતંત્ર દિવસ ઉજવી રહ્યો છે. આ વખતે પ્રજાસત્તાક દિનની પરેડ દરમિયાન પ્રથમ વખત રાફેલ T-90 ટેન્ક આઇસોબિયલ ઇલેક્ટ્રોનિક લડાઇ સિસ્ટમ, સુખોઈ -30 એમકેઆઈ ફાઇટર એરક્રાફ્ટ સહિતના લડાકુ વિમાનોની ઉડાન સાથે પોતાની લશ્કરી શકિતનું પ્રદર્શન કરશે. આજે દેશના સમૃદ્ધ સાંસ્કૃતિક વારસો, આર્થિક ઉન્નતિ અને સૈન્યના પ્રજાસત્તાક દિન પરેડમાં રાજપથ ખાતે 17 ટેબ્લો અને કેન્દ્રશાસિત પ્રદેશોના ટેબ્લો, સંરક્ષણ મંત્રાલયના છ ટેબ્લો, અન્ય કેન્દ્રીય મંત્રાલયો અને અર્ધલશ્કરી દળના ટેબ્લો સહિત કુલ 32 ટેબ્લોમાં સૈન્ય તાકાતની આન-બાન-શાન દેખાશે.

પ્રજાસત્તાક દિનની લોકોને શુભેચ્છા પાઠવતા વડાપ્રધાન મોદીએ ટવિટમાં 'જય હિન્દ' લખીને દેશવાસીઓને શુભકામના પાઠવી હતી

modi

ફીટ ઇન્ડિયા મૂવમેન્ટ અને સ્વનિર્ભર ભારત માટેના અભિયાનની ઝાંખી

પરેડ દરમિયાન સ્કૂલના વિદ્યાર્થીઓ લોકનૃત્ય કરશે. ઓડિશાના કલાહંડીનું મનમોહક લોકનૃત્ય બજાસલ, ફીટ ઇન્ડિયા મૂવમેન્ટ અને સ્વનિર્ભર ભારત અભિયાનની ઝાંખી પણ રજૂ કરવામાં આવશે. પરેડ દરમિયાન સેના તેની મુખ્ય બેટલ ટેન્ક ટી -90 ભીષ્મ, ઇન્ફેન્ટ્રી કોમ્બેટ વ્હિકલ બીએમપી -2 સરથ, બ્રહ્મોસ મિસાઇલની મોબાઇલ લોંચિંગ સિસ્ટમ, રોકેટ સિસ્ટમ પિનાકા, ઇલેક્ટ્રોનિક લડાઇ સિસ્ટમ, સમવિજય સહિતની શક્તિનું પ્રદર્શન કરશે. નૌકાદળ દ્વારા 1971ના ભારત-પાકિસ્તાન યુદ્ધ દરમિયાનની આઈએનએસ વિક્રાંતની ઝાંખી પણ રજૂ કરવામાં આવશે.

સૈન્યના ચાર વિમાન આજે પરેડમાં ભાગ લેશે

ભારતીય વાયુસેના દેશમાં વિકસિત લાઇટ લડાકુ વિમાન તેજસ અને એન્ટી ટેન્ક ડાયરેક્ટિવ મિસાઇલ રજૂ કરશે. ભારતીય વાયુસેનાના 38 વિમાન અને રાફેલ સહિત ભારતીય સૈન્યના ચાર વિમાન આજે પરેડમાં ભાગ લેશે. રક્ષણ સંરક્ષણ અને વિકાસ સંગઠન (ડીઆરડીઓ) પાસે આ વખતે બે ટેબ્લો હશે. પરંપરા મુજબ ધ્વજ ફરકાવ્યા બાદ રાષ્ટ્રગીત અને 21 તોપની સલામી આપવામાં આવી હતી. આ વખતે ગુજરાત, આસામ, તમિલનાડુ, મહારાષ્ટ્ર, ઉત્તરાખંડ, છત્તીસગઢ, પંજાબ, ત્રિપુરા, પશ્ચિમ બંગાળ, સિક્કિમ, ઉત્તર પ્રદેશ, કર્ણાટક, કેરળ, આંધ્ર પ્રદેશ, અરુણાચલ પ્રદેશ, દિલ્હી અને લદ્દાખની ટેબ્લો રજૂ કરવામાં આવશે.