કર્ણાટક: કર્ણાટકમાં એક વ્યક્તિ તેના ખેતર તરફ જઈ રહ્યો હતો, ત્યારે તેને મૃત ગરૂડ રસ્તા પર પડેલું મળ્યું હતું. આ ગરૂડના મૃતદેહને નજીકથી નિરીક્ષણ કરતા તેને માલુમ પડ્યું કે, તેના પગ બાંધેલા હતા અને તેના શરીર સાથે સેન્સર વાળો કેમેરો જોડાયેલો હતો.
વિજયપુરા જિલ્લાના યમબત્નાલના રહેવાસીઓ સોમવારે ચોંકી ઉઠ્યા હતા. જ્યારે તેઓએ કોવિડ-19 રોગચાળાના ફેલાવા વચ્ચે ગરૂડનો મૃતદેહ મળી આવ્યો હતો. એક વ્યક્તિ તેના ખેતર તરફ જઈ રહ્યો હતો ત્યારે તેને મૃત હાલતમાં એક ગરૂડ રસ્તા પર મળ્યું હતું. આ ગરૂડના પગ બાંધેલા હતા. તેના શરીરમાં સેન્સર કેમેરો ગોઠવવામાં આવ્યો હતો.
આ સમાચાર ગામલોકોમાં જડપથી ફેલાઈ ગયા હતા. જે કારણે ભયની લાગણી ફેલાઈ ગઈ છે. કેટલાકને શંકા પણ હતી કે, ગરૂડ બીજા દેશ દ્વારા ગુપ્ત માહિતી એકત્રિત કરવા માટે મોકલવામાં આવ્યું હતું.
આ અંગે જિલ્લા વહિવટી તંત્રને જાણ કરવામાં આવી હતી. આ મામલે હાલ તપાસ ચાલી રહી છે.
