નવી દિલ્હીઃ 71માં પ્રજાસત્તાક દિન નિમિત્તે યોજાયેલી પરેડમાં ઐતિહાસિક ક્ષણ સર્જાઈ હતી. રાજપથની પરેડમાં પહેલીવાર કોઈ મહિલા સૈનિકે પુરુષ ટુકડીનું નેતૃત્વ કર્યુ હતું. આ ગૌરવશાળી મહિલાનું નામ તાન્યા શેરગિલ છે. જે થલસેનાની કેપ્ટન છે.
થલસેનાની સિગ્નલ કોર પર તૈનાત તાન્યા શેરગિલથી આજે સૌ કોઈ પરિચિત છે. કારણ કે, સૈન્ય ક્ષેત્રના ઇતિહાસમાં પુરુષ ગૃપનું નેતૃત્વ કરનાર આ પહેલી મહિલા અધિકારી છે.
આ અંગે વાત કરતાં તાન્યાએ કહ્યું હતું કે, જ્યારે તમે વર્દી પહેરો છો ત્યારે સ્ત્રી-પુરુષ, હિન્દુ-મુસલમાન કે પછી પંજાબી કે મરાઠી નથી હોતા, ત્યારે ફક્ત એક સૈનિક હોય છે. જે પોતાના દેશ માટે પોતાનો જીવ ન્યોછાર કરવા હંમેશા તૈનાત રહે છે.
