અધિકારીઓના જણાવ્યા અનુસાર, રવિવારના રોજ આસામ રાયફલ્સના સૈનિકોએ રસ્તા સ્થિત રેસ્ટોરન્ટ-રહેણાંક મકાનોમાં પાર્ટી કરી રહ્યા હતા. ભારે વરસાદને લીધે આ ઈમારત અચાનક ધરાશાઈ થઈ ગઈ હતી. વન પ્રધાન ગોવિંદ સિંહ ઠાકુરે આ દુર્ઘટના પર દુ:ખ વ્યક્ત કર્યુ છે. તેઓએ કહ્યું કે, રાહત અને બચાવ કાર્ય ઝડપથી ચાલી રહ્યું છે. ડીસી સોલાને દુર્ઘટનાને લઈ પૂરી જાણકારી લીધી છે. તેઓએ કહ્યું હતું કે, શિમલાથી લગભગ 55 કિલોમીટર દૂર કુમારહટ્ટી-નહન માર્ગ પર સ્થિત ઈમારતમાં સૈનિકો અને નાગરિકો હાજર હતા.
હિમાચલ પ્રદેશના મુખ્યપ્રધાન જયરામ ઠાકુરે આશા વ્યક્ત કરી છે કે, થોડાક કલાકોમાં રાહત અને બચાવ કાર્ય પૂરું થઈ જશે. તેઓએ કહ્યું કે ઘટનાની તપાસ કરાવવામાં આવશે. તેમજ તેઓ ઘટનાસ્થળની પણ મુલાકાત લેશે. કે.સી. ચમને કહ્યું કે, કાટમાળમાં ફસાયેલ લોકોને કાઢવા માટેના પગલાઓ લેવામાં આવી રહ્યા છે. તેમજ ઘાયલોને નજીકના હોસ્પિટલમાં દાખલ કરવામાં આવ્યા છે. ઈમારત ધરાશાઈ થવા પર સ્થાનિક લોકોએ ઇમારતોને બનાવનાર તેમજ ઈમારતને મંજૂરી આપનાર નિયમોનું ઉલ્લંઘન કરનારે જવાબદાર ગણાવ્યા છે.
