નવી દિલ્હીઃ ચીફ ઓફ ડિફેન્સ સ્ટાફ જનરલ બિપિન રાવતે નેશનલ વોર મેમોરિયલની પહેલી વર્ષગાંઠ પર શહીદોને શ્રદ્ધાંજલી અર્પી છે. વડાપ્રધાન નરેન્દ્ર મોદીએ વર્ષ 2019માં આજના દિવસે આ યુદ્ધ સ્મારક સ્થળને રાષ્ટ્રના નામે સમર્પિત કર્યુ હતું. આ સ્મારક સ્થળને આઝાદી બાદ શહીદ જવાનોને નામ કર્યું છે.
આ સ્મારક પર આઝાદી બાદ ભારતીય સેનાએ લડેલી લડાઈઓ અંગે માહિતી આપવામાં આવી છે. જેમાં 1947-48, 1962 ચીનનુ યુદ્ધ, 1965 ભારત-પાક યુદ્ધ અને 1999માં થયેલા કારગિલ યુદ્ધ અંગે જણાવવામાં આવ્યું છે. મહત્ત્વનું છે કે, આ સ્મારક સ્થળ પર હંમેશા અમર દીપક પ્રગટેલો રહે છે.
