બિહારઃ ભિવાડીમાં ફૂલબાગ પોલીસ સ્ટેશન વિસ્તારમાં આવેલા સ્ટેટ હાઈવે 25 પરના મટીલા ગામમાં એક બિહાર નિવાસી શ્રમિકની નિર્મમ હત્યા થતાં ચકચાર મચી છે. આ ઘટનાની જાણ થતાં સ્થાનિક પોલીસે ઘટનાસ્થળે પહોંચીને તપાસ હાથ ધરી હતી. જો કે, હજુ સુધી હત્યાનું કારણ સામે આવ્યું નથી.
શુક્રવાર મોડી રાત્રે માહિતી મળતા ફૂલબાગ પોલીસ અધિકારી સહિતનો કાફલો ઘટનાસ્થળે પહોંચ્યો હતો. ત્યાં લોહીથી લથપથ અજાણ્યા વ્યક્તિનો મૃતદેહ પડ્યો હતો.
પોલીસ અધિકારીના જણાવ્યાનુસાર, મૃતક બિહાર નિવાસી સિપાહી મટીલામાં રહી ફેક્ટરીમાં કામ કરતાં અને બાકીના સમય લારી ચલાવતો હતો. જેની શુક્રવાર મોડી રાત્રે ગળુ દબાવીને હત્યા કરાઈ હતી. આ ઘટનાની જાણ થતાં પોલીસ ઘટનાસ્થળે પહોંચી હતી અને તપાસ હાથ ધરી હતી.
આ મામલે આજુબાજુના વિસ્તારમાં તપાસ કરવામાં આવી હતી. પરંતુ પોલીસને કોઈ માહિતી મળી નહોતી. સ્થાનિક લોકોની પૂછપરછમાં જાણવા મળ્યું હતું કે, તેમણે કેટલાંક લોકોને ભાગતા જોયા હતા. જેની તપાસ ફૂલબાગ પોલીસ કરી રહી છે. હાલ, પોલીસ મૃતદેહને કબ્જે કરી પોસ્ટ મોર્ટમ માટે મોકલી તપાસ હાથ ધરી છે.
