પશ્ચિમ બંગાળના ભાજપના પ્રમુખ દિલિપ ઘોષે નિવેદન આપ્યું હતું કે જે વિદેશમાં ગાય છે તે આપણી માતા નથી પણ આંટી છે. આ સાથે જ તેમણે ગાયનું ઘી પીળુ કેમ હોય છે તે અંગે પણ વિચિત્ર પ્રકારના દાવા કર્યા હતા. તેમના આ નિવેદનની સોશિયલ મીડિયા પર લોકોએ ભારે મજાક ઉડાવી હતી.
તેમણે વધુમાં કહ્યું હતું કે કોઇ પણ પ્રકારનો માંસ હોય તે ઘરે ખાવો જોઇએ રસ્તામાં નહી. ત્યારે પ્રદેશ ભાજપ પ્રમુખે કહ્યું કે,ગાયના દુધમાં સોનું હોય છે.તેમણે કહ્યું કે જે લોકો ગાયનું માસ ખાય છે તેઓએ સ્વસથ રહેવા માટે શ્વાનનું પણ માંસ ખાવું જોઇએ. તેમણે જણાવ્યું હતું કે જેમને જે માસ ખાવું હોય તે ખાય પણ ગાયનું માસ ખાનારાની સાથે એ જ વ્યવહાર કરાશે જે થવો જોઇએ.
નોંધનીય છે કે દિલિપ ઘોષે કહ્યું હતું કે ગાય આપણી માતા છે પણ વિદેશી ગાય આપણી આંટી છે, ભારતીય ગાયની પૂજા થવી જોઇએ, જોકે વિદેશી ગાયો આપણી આંટી હોવાથી તેની પૂજા ન કરવી જોઇએ. સાથે જ તેમણે દાવો કર્યો હતો કે ગાયના દુધમાં સોનું હોય છે તેથી તે પીળા રંગનું હોય છે. તેમના આ દાવાઓ પર સોશિયલ મીડિયા પર ભારે મજાક પણ ઉડી હતી.
