સપા નેતા આઝમ ખાને કહ્યું કે, અમારા પૂર્વજો પાકિસ્તાન કેમ ન ગયા? તેમણે ભારતને પોતાનું વતન માન્યું. હવે તેમને તેની સજા તો મળશે અને તેને સહન પણ કરશે.
સપા સાંસદ આઝમ ખાને કહ્યું કે, 1947માં મુસ્લિમો પાકિસ્તાન કેમ ન ગયા? આ મૌલાના આઝાદ, પંડિત જવાહરલાલ નહેરૂ અને સરદાર પટેલને પૂછો કે કેમ. તે લોકોએ મુસ્લિમોને વચનો આપ્યા હતા. ગાંધીજીની અપીલ પર મુસ્લિમો પાકિસ્તાન ગયા નહોતા. બાપૂએ મુસ્લિમોને કહ્યું હતું કે, આ દેશ તમારો પણ છે. જો ભાગલા અન્ય મુસ્લિમો પણ ઈચ્છતા તો દેશની આ સ્થિતિ ન હોત. મૉબ લિન્ચિંગની ઘટનાઓથી દુઃખી આઝમ ખાને કહ્યું કે, મુસ્લિમો ભાગલામાં ભાગીદાર અને ગુનેગાર નહોતા. પરંતુ આજે તેમને તેની સજા મળી છે. ભાગલા બાદ મુસ્લિમો સતત સજા ભોગવતા આવ્યાં છે.
